Прадпрыемства «Мотавелазавод» разам з партнёрамі збіраецца запусціць у Беларусі буйны байкшэрынг Velosmart. У планах у кампаніі адкрыць пункты пракату ў Гродне, Мінску і Брэсце, а таксама запусціць праект у Расіі. Абяцаюць пракат на гадзіну па цане талончыка.
ТАА «Мотавелазавод» разам з кампаніямі Softline і SIMATEK запускаюць у краіне беларускі байкшэрынг Velosmart, піша t*t.by. На прадпрыемстве расказалі падрабязнасці.
— Гэта будзе на 100% нацыянальны шэрынг: беларускі софт, беларускія ровары і беларускія станцыі. Сумесна з партнёрамі ў праект у Менску мы плануем ўкласці як мінімум два мільёны даляраў.
Пракат будзе працаваць па вядомым прынцыпе: зарэгістравацца праз дадатак, адсканаваць код, паехаць. Пакідаць ровары можна будзе толькі на станцыях. У Гродне плануюць устанавіць да сотні станцый.
Хутчэй за ўсё, праект раней стартуе як раз у абласных цэнтрах. Арганізатары абяцаюць, што гадзіна паездкі прыкладна будзе роўная кошту разавага талончыка — 60−65 капеек. Першыя паўгадзіны — бясплатна.
Пакуль вырашаецца пытанне аб выдачы ўчасткаў пад станцыі. Бесстанцыйны варыянт пракату на «Мотавелазаводзе» таксама пачалі прапрацоўваць.
Ровары будуць падобныя да мадэлі Aist Tracker 2.0, але з нестандартным дыяметрам сядла.
— Наш ровар не паставіш дзе заўгодна, калі чалавек яго ўзяў - ён павінен вярнуць яго на станцыю. Пакуль не вернеш — ідзе плата за карыстанне. Акрамя таго, наш механізм абароны — нестандартныя элементы. Іх не паставіш на ровар, які прадаецца ў краме, гэта значыць няма сэнсу разбіраць пракатны. Таксама ў нас будзе антывандальная гума — яе нельга пракалоць.
З 5 красавіка ў Гродне талоны на праезд у гарадскім грамадскім транспарце даражэюць на 10…
У Гродне на Віленскай, 37 адкрыўся новы буцік-гатэль і рэстаран The Cult - і выклікаў…
Пакуль сады толькі заквітнеюць, ва ўстановах і крамах Гродна падрыхтавалі вясновыя фотазоны. Часта гэта гронкі…
На Савецкай вуліцы каля 80% падвалаў задзейнічаны пад бізнес, прыводзіць статыстыку газета “Гродзенская праўда”. Пры…
Уладальнікі гродзенскіх кавярань «Крепкий белый» і «Крепкий черный» запускаюць школу барыста. Летась арганізатары ўжо праводзілі…
Гродзенец Ігар Апякун канструюе мэблю для круізных лайнераў - стварае прататыпы праз спецыяльную праграму. Ігар…