Некаторыя абаненты аператара МТС раніцай 23 ліпеня выявілі небывалыя запазычанасці на сваім рахунку — каля 5 тысяч рублёў. Яны паўсталі з-за тэхнічнага збою на баку аператара і не былі звязаныя са спісаннем сродкаў. Нумары пры гэтым блакаваліся, пра што паведамляе надпіс у «асабістым кабінеце», піша onliner.by.
Па словах карыстальнікаў, датэлефанавацца ў тэхпадтрымку ў іх не атрымліваецца, што, верагодна, паказвае на масавы характар праблемы.
twitter.com/nickusikov/status/1 153 548 455 475 912 704
«У МТС праблемы, у мяне баланс мінус 5000 рублёў, званкоў ўваходных і зыходных няма», — распавёў адзін з абанентаў кампаніі.
«Мінус 5000 на балансе, у мужыка побач тры тэлефоны аформлена — 5000 пазыкі на кожным!» — піша іншы, дадаючы, што ніякай афіцыйнай інфармацыі пра гэта на дадзены момант няма.
У тэхпадтрымцы аператара паведамілі, што аб праблеме вядома, спецыялісты працуюць над яе рашэннем.
Мяркуючы па паведамленнях карыстальнікаў, збой ліквідаваны.
У кампаніі пракаментавалі сітуацыю.
«Мы разабраліся ў сітуацыі. У некаторых абанентаў інфармацыя пра баланс адлюстроўвалася некарэктна. Цяпер праблема знікла: інфармацыя аб балансах рахункаў абанентаў, якія сутыкнуліся з такой сітуацыяй, адлюстроўваецца правільна. Пры гэтым, звяртаем увагу, некарэктных спісанняў не адбылося. Прыносім абанентам свае прабачэнні».
Акрамя буйных «мінусаў», зафіксаваныя спісанні сродкаў у аўтаматычным рэжыме пры актыўнай функцыі «Аўтааплата». Пра гэта паведамілі адразу некалькі карыстальнікаў, размясціўшы скрыншоты аперацый спісання.
Адзін з абанентаў, які не планаваў папаўняць рахунак на вялікую суму, паспрабаваў аформіць вяртанне сродкаў.
«У анлайн-заяўцы па вяртанні гэтых сродкаў мне адмовілі, цяпер нібыта трэба ісці пісаць заяву і чакаць два тыдні вяртання, чаго я прынцыпова рабіць не хачу».
МТС даў каментар па пытанні аўтаматычнага папаўнення балансу. Публікуем яго цалкам.
«У абанентаў, якія карыстаюцца паслугай „Аўтааплата“, грашовыя сродкі з банкаўскай карты былі пералічаныя на баланс нумара. Мы звяжамся з кожным абанентам і прапануем магчымыя варыянты вяртання грашовых сродкаў».
Аб'явы аб здачы памяшканняў у арэнду з'явіліся ў Instagram-акаўнце royal.grodno і на “Куфары”. У аб'явах…
Гродзенскія пункты выдачы заказаў Wildberries і Ozon аказаліся перапоўнены падарункамі для жывёл. Гэта вынік Таемнага…
Новы сувенір у выглядзе "раскладанкі" са знакавымі аб'ектамі Гродна ствараюць улады. Яго выканаюць у выглядзе…
Некалькі сотняў Дзядоў Марозаў, Снягурак, сабачак, вавёрачак і разнастайных іншых персанажаў 20 снежня прайшлі ад…
Трохпакаёвая кватэра знаходзіцца на вуліцы Савецкіх Пагранічнікаў. Сцены ў ёй абвешаныя рэпрадукцыямі, дзвярныя праёмы выкананы…
Спецыяльнае праграмнае забеспячэнне для сачэння за актыўнасцю ў камп'ютарах закупляе Гродзенскае агенцтва па дзяржаўнай рэгістрацыі…