Мы ў Hrodna.life вырашылі зладзіць для нашых чытачак-раварыстак майстар-клас па дыягностыцы і бягучым рамонце ровараў. Эксперткі навучаць самастойна сачыць за ўласным роварам і рамантаваць яго, а таксама адкажуць на пытанні.

Часта дзяўчаты няўпэўнена адчуваюць сябе ў пытаннях рамонту ўласнага ровара. Ці правільна я змазваю ланцуг і як часта мушу? Прабіла шыну на лясной сцежцы, як быць? А што гэта кола памяняла форму і перадачы не пераключаюцца?

Пра базавую дыягностыку ровара, яго наладжванне і правільны штодзённы догляд нам раскажуць дзве дзяўчыны-эксперткі: Лена Майсюк і Юліта Дзем’яновіч. Лена — гродзенская велаактывістка, якая сама рамантуе свой ровар ужо чатыры гады. Юліта — інструктарка школы ВелаГродна для дарослых пачаткоўцаў.

Што браць?

  • свой ровар;
  • інструменты і сродкі догляду, якія маеце;
  • рашучасць вучыцца карыснасцям і лайфхакам.

Майстар-клас адбудзецца 10 ліпеня (серада), а 18:00 ва ўнутраным дворыку на Кірава, 3, дзе месціцца рэдакцыя Hrodna.life. Удзел бясплатны, з папярэдняй рэгістрацыяй па спасылцы.

"Ровар: наладзь сама". Запрашаем дзяўчат на майстар-клас па доглядзе за роварам