Ён танчыць і ў грамадскім транспарце, і на вуліцах горада, і ў барах. Многія гродзенцы паспелі заўважыць гэтага незвычайнага танцора. Яго завуць Павел, мы з ім сустрэліся.
Раней Павел у цэнтры Гродна граў на кахоне. А потым з’ездзіў у Швецыю, вярнуўся і пачаў танцаваць.
«Я і цяпер граю на кахоне. А нядаўна асвоіў танцы, яны даюць мне магчымасць выйсці на правільны душэўны стан, — распавядае Павел. — Я быў у Швецыі, у царкве Стакгольма і там сустрэўся з добрым псіхолагам. У нашай размове яна мне параіла пры дрэнным настроі займацца тым, што мне падабаецца. А мне падабаецца танцаваць. Я слухаю хрысціянскія трэкі змешанага стылю і пры цікавых момантах проста спыняюся і пачынаю танцаваць. Камусьці падасца гэта дзіўным, таму бываюць усялякія негатыўныя сітуацыі з боку людзей. Але я не хачу пра гэта гаварыць. Галоўнае, што ў танцах я адчуваю задавальненне».
Павел самавук, але ў будучыні хоча выкладаць танцы ў стылі dubstep, а таксама хоча падзяліцца з грамадствам сваімі малюнкамі.
«Я ўзяў адказнасць за свае таленты. Калі яны ёсць, то іх трэба развіваць. Пакуль я граю на кахоне і танцую. Але ўжо разумею, што мне падабаецца маляваць. Не выключана, што неўзабаве гродзенцы ўбачаць у цэнтры горада мае працы», — дадаў Павел.
У траўні на даху комплексу «Бровар Гродна» з'явіўся флюгер. Пры рэстаўрацыі гродзенскага піўзавода інвестару было…
Гродзенскі краязнаўца Аляксандр Перагудаў знайшоў у расійскіх фондах шэраг малавядомых здымкаў Гродна часоў Першай сусветнай…
У траўні беларусы сталі актыўна абмяркоўваць знікненне бульбы з паліц у крамах. Звярнулі ўвагу і…
Гарадское і сельскае насельніцтва Беларусі скарачаецца. Згодна з Белстатам, у Гродне і Лідзе сітуацыя выглядае…
Сцэнічны комплекс на святкаванне Дня Перамогі ў Гродне 9 траўня абыйдзецца гарадскому бюджэту ў 12…
Непаўналетняга падлетка з Гродзенскага раёна спрабавалі прыцягнуць да адміністрацыйнай адказнасці за распіццё алкаголю ў грамадскім…