Пасля пяці паражэнняў запар у чэмпіянаце Беларусі гродзенскі «Нёман» здолеў здабыць перамогу. У Мінску 28 чэрвеня падапечныя Ігара Кавалевіча буйна абыгралі «Тарпеда» — 0:3.
Усе тры мячы гродзенцы забілі ў першым тайме. Валерый Жукоўскі на 21-й хвіліне рэалізаваў 11-метровы ўдар і адкрыў лік у матчы. Глеб Рассадкін на 35-й хвіліне падвоіў перавагу «Нёмана». А трэці гол на свой рахунак запісаў Андрэй Якімаў на 44-й хвіліне.
«Тарпеда» — «Нёман» — 0:3
Дзякуючы перамозе ў Мінску «Нёман» перапыняе сваю няўдалую серыю паражэнняў. Зараз у каманды Кавалевіча 16 ачкоў і 10-е месца ў турнірнай табліцы.
