Назіральны савет «Нёмана» прыняў рашэнне даць настаўніку гродзенскай каманды Ігару Кавалевічу яшчэ адзін шанец. Увечары 24 чэрвеня заява аб адстаўцы была разгледжана і па выніках пасяджэння яна не была прынята, а перад трэнерскім штабам пастаўлена задача ў самыя кароткія тэрміны выправіць сітуацыю.
Нагадаем, Кавалевіч прыняў рашэнне пакінуць «Нёман» пасля паразы ад «Гарадзеі» на гродзенскім стадыёне 21 чэрвеня. Яна стала пятай запар для каманды спецыяліста.
Пасля паразы на прэс-канферэнцыі Кавалевіч і сказаў пра адстаўку:
«Я занадта люблю Гродна. Я аддаў яму гады як гулец і вось тры гады як трэнер. Я прыйшоў сюды ў цяжкую пару, але трэба меры нейкія прадпрымаць. Каб захаваць твар каманды, самай правільнай мерай будзе падаць у адстаўку. Я пра яе афіцыйна заяўляю. Гэта ў панядзелак будзе вынесена на разгляд назіральнага савета. Думаю, што ўсё ў Гродне атрымаецца, але з іншым трэнерам. Трагедыі ніякай няма.
Трэба збалансаваць лініі, мы шукаем спалучэнні. Так бывае, што па ходу сезона вымушаныя праводзіць нейкія сур’ёзныя эксперыменты са складам, атрымліваецца так, як атрымліваецца. Я думаю, што ўсё ў Гродне будзе добра".
Пасля 12-ці тураў «Нёман» размясціўся на 10-м радку ў турнірнай табліцы і мае ў сваім актыве 13 ачкоў. Наступную гульню гродзенцы правядуць у сталіцы 28 чэрвеня і сустрэнуцца з мінскім «Тарпеда» — найслабейшай на сёння камандай Вышэйшай лігі.
Тэрасы з'явяцца ў аднаго з дамоў, які будуецца на тэрыторыі былога ваеннага гарадка на Фолюшы.…
У Гродне выступіць Ілля Шынкарэнка — малады музыка, які набыў папулярнасць дзякуючы свайму беларускамоўнаму TikTok.…
У Навагрудку завяршаецца пяты этап рэканструкцыі замка. Тут з'явіліся фартыфікацыйныя сцены з высокай металічнай брамай…
Курсанта Акадэміі МУС, 21-гадовага Іллю Нарышкіна, асудзілі на 15 гадоў пазбаўлення волі ў калоніі ўзмоцненага…
У Гродне на продаж выставілі старую воданапорную вежу ў мікрараёне Фолюш. Паводле ўмоў аўкцыёна, там…
Анестэзіёлаг-рэаніматолаг з 3-й мінскай дзіцячай бальніцы публікавала ў Х (Twitter) пасты пра сваю нянавісць да…