Адкрыццё памятнай шыльды Чэслава Немэна на будынку Гуманітарнага каледжа было прымеркавана да прыезду ў Гродна 6 чэрвеня маршалка польскага Сената Станіслава Карчэўскага і старшыні Савета Нацыянальнага сходу Рэспублікі Беларусь Міхаіла Мясніковіча.
Ініцыятарамі ўстаноўкі памятнай табліцы на будынку навучальнай установы, дзе вучыўся ў 1954−1955 гг. Чэслаў Немэн, выступілі Генеральнае консульства Польшчы ў Гродне і мясцовы гарвыканкам. Рабіў шыльду гродзенскі скульптар Уладзімір Панцялееў. На ёй, акрамя надпісаў на беларускай і польскай мовах, размешчаны бронзавы барэльеф з выявай спевака.
На адкрыццё дошкі прыехала другая жонка музыкі Малгажата Немэн.
«Чэслаў акурат вярнуўся ў Гродна ў сваё 80-годдзе. Радуе, што праз столькі часу вялікая колькасць маладых беларусаў будзе памятаць і вывучаць яго творчасць. Чэслаў дзесьці ляціць на воблаку або на самалёце [у гэты момант над Гродна пралятаў самалёт — рэд.] і махаў нам на адкрыцці. Вядома, было б лепш, калі б такую табліцу павесілі значна раней, дзе-небудзь у гадах 1970-х. Але і так добра, што праз столькі часу памятаюць, што ён тут вучыўся», — распавяла Малгажата.Выбітны польскі музыка, кампазітар і спявак Чэслаў Немэн (Чэслаў Выджыцкі) нарадзіўся ў 1939 годзе ў Гродзенскай вобласці, у вёсцы Cтарыя Васілішкі. У сярэдзіне 1950-х гг будучы музыка вучыўся ў Гродне ў педагагічным вучылішчы. У 1958-м сям’я Выджыцкіх пераехала ў Польшчу. Там Немэн стаў знакаміты.
За распаўсюд экстрэмісцкіх матэрыялаў у Іўі судзілі пастыра. Верагодна, гаворка ідзе пра Юрыя Гардзея, пастыра…
Беларуса асудзілі паводле некалькіх артыкулаў - у тым ліку за тэракт. Ён адбывае пакаранне ў…
На актывістку страйкаму "Гроднапрамбуд" Юлію Сліўко завялі новую крымінальную справу. У Беларусі ў яе арыштавалі…
Адзінаццацігадовая дзяўчынка, якая ўпала з вышыні з атракцыёна ў Лідзе, аднаўляецца. Яе перавялі з рэанімацыі…
Удзельнікаў акцый на Дзень Волі 25 сакавіка 2024 года ў розных гарадах замежжа беларускія сілавікі…
Будынак праектуюць на набярэжнай проста пад Новым замкам, каля існага бізнес-центра на вул. Заводскай, 13.…