Пятнаццаты рок-байк фестываль «Хавайся ў Бульбу» пройдзе 7−9 чэрвеня на базе адпачынку «Дом Рыбака» ў Каробчыцах. Чакаецца, што прыедуць матацыклісты з многіх краін Еўропы і ўдзельніцы «Жаночага Сусветнага Мотапрабегу», якія наведалі наш горад два тыдні таму ў рамках эстафеты.

Для жыхароў горада будзе арганізаваны рух маршруткі. Транспарт пачне курсіраваць з 17.00 у пятніцу ад прыпынку насупраць тытунёвай фабрыкі да «Дома Рыбака». Пастаянны партнёр фестывалю таксі «Бертэль» (107) прадастаўляе зніжку на праезд з любой часткі горада на «Хавайся ў Бульбу» і назад. Для атрымання «спец-тарыфу» дастаткова пры замове машыны сказаць «На байк-фэст».

Дзеці да 14 гадоў у суправаджэнні бацькоў змогуць прайсці бясплатна. Дзяўчат да 20.00 у пятніцу і суботу таксама чакае бясплатны білет. Пасля 20.00 усе жадаючыя змогуць трапіць на мерапрыемства па цане 20 рублёў за абодва дні.

Застацца можна і з начлегам. Будзе арганізаваны намётавы гарадок на востраве.

"Хавайся ў бульбу!" Пад Гродна пройдзе юбілейны мотафестываль

Што? Дзе? Калі?

Заезд плануецца з 12.00 у пятніцу. Ужо ў гэты час будуць працаваць вулічныя кафэ.

У 14.00 арганізатары рыхтавалі пабудову калоны для праезду па горадзе, але пакуль дазвол ад гарадскіх уладаў не атрымалі. Байкеры хацелі праехаць у суправаджэнні ДАІ па наступным маршруце: база адпачынку «Дом Рыбака» — вул. Суворава — вул. Савецкіх Памежнікаў - БЛК — вул.Горкага — вул. Сацыялістычная — пл. Савецкая — база адпачынку «Дом Рыбака», традыцыйна даўшы магчымасць гараджанам сфатаграфавацца на матацыклах каля «тэкстыльшчыкаў».

На байк-фесте не будет мотоколонны из-за закона об массовых мероприятиях. Байкеры недовольны

Ужо зацверджаны арганізатарамі канчатковы спіс музыкаў.

7 чэрвеня

18: 10−19: 00 «An Old Town 'Dogzz» (Гродна)

19: 20−20: 10 «К121» (Гродна)

20.30−21.20 «Rammstain» Трыб’ют (Мінск)

21: 40−22: 40 «Разбітае сэрца пацана» (Мінск)

23: 00−24: 00 «DZIECIUKI» (Гродна)

24.00−05.00 дыскатэка

"Хавайся ў бульбу!" Пад Гродна пройдзе юбілейны мотафестываль

Не менш насычаная музычная праграма чакае гасцей і ў суботні вечар 8 чэрвеня. Хэдлайнерам фестывалю стане легенда рускага року — гурт «Черный обелиск»:

"Хавайся ў бульбу!" Пад Гродна пройдзе юбілейны мотафестываль

18:00−18:50 «Kaduk» (Гродна)

19.10−20. 00 «ИГО» (Гродна)

20:20−21:10 «The GoonzZЦ» (Гродна)

21:30−22:10 «Drum Ecstasy» (Мінск)

22.20−24.00 «Черный обелиск» (Масква)

00.20−05.00 дыскатэка

Акрамя музычнай праграмы матацыклістаў і гасцей чакаюць конкурсы, атракцыёны, фаер-шоу, выступленне лідскага шоу-праекта «MALINA» і спаборніцтвы па стральбе. Адным са спонсараў фестывалю выступіць кампанія «Гродфуд». Пераможцы конкурсаў у якасці прыза атрымаюць вельмі арыгінальны падарунак — стратэгічны запас тушонкі вагой у некалькі кілаграм.

"Хавайся ў бульбу!" Пад Гродна пройдзе юбілейны мотафестываль

Сёлета ўпершыню на «Хавайся ў бульбу» будзе працаваць тату-студыя «Мроя». Юля «Піпетка» — вядомы ва ўсёй Еўропе тату-майстар, суддзя і ўдзельніца розных тату-конкурсаў і канвенцый, зробіць усім жадаючым бясплатныя татуіроўкі на мота-тэму па сваіх адмыслова распрацаваным да фестывалю эскізах.

"Хавайся ў бульбу!" Пад Гродна пройдзе юбілейны мотафестываль

Байкеры дапамогуць бяздомным жывёлам

Традыцыйна, сябры гродзенскага байк-клуба «NASHORN free riders MCC» праводзяць дабрачынныя акцыі на ўсіх сваіх мерапрыемствах. Яны супрацоўнічаюць з дзіцячым хоспісам і панямуньскім дзіцячым домам. Гэтым разам на фестывалі будуць збіраць сродкі на карысць бяздомных жывёлаў з прытулку «Адданае сэрца». Усе госці змогуць ахвяраваць любую суму ці паўдзельнічаць у дабрачынным аўкцыёне.

"Хавайся ў бульбу!" Пад Гродна пройдзе юбілейны мотафестываль