Горад

Гродзенскі гісторык прапанаваў гораду новы брэнд. Зацаніце!

Распрацаваны праект брэнда Гродна гісторык Мечыслаў Супрон адправіў 3 чэрвеня ў гарвыканкам. Над ім гродзенец працаваў каля тыдня.

У красавіку для фарміравання адзінай стратэгіі прасоўвання турыстычнага патэнцыялу Гродна гарвыканкам аб’явіў конкурс на стварэнне гандлёвай маркі горада. Некалькі гродзенцаў адгукнуліся на прапанову, у тым ліку і гісторык Мечыслаў Супрон. Сваю працу ён выклаў у сацыяльныя сеткі.

«Я не толькі гісторык, але і дызайнер. Апошняй прафесіяй у жыцці карыстаўся не вельмі часта, але калі ўбачыў інфармацыю пра брэнд Гродна, вырашыў абнавіць свае веды і нешта зрабіць. Хай гродзенцы ацэняць», — распавёў Супрон.


Аснова кампазіцыі лагатыпа — стылізаваны надпіс «Hrodna». Пад ім змешчаны слоган «The city with soul», што ў перакладзе азначае «Горад з душой». Над надпісам алень святога Губерта.

«Душа Гродна — тыя нематэрыяльныя каштоўнасці, якімі славіцца наш горад. Гэта багатыя традыцыі і гісторыя, сівыя легенды і паданні, загадкі і таямніцы. Гродна мае сваю напаўторную атмасферу, якая чаруе кожнага, хто тут бывае.

Гродна — горад з тысячагадовай гісторыяй. Пры распрацоўцы эскіза лагатыпа мы абапіраліся, у першую чаргу, на традыцыяныя элементы, якія атаясамляюцца менавіта з гэтым горадам і яго культурай. Найбольш выразнай часткай распрацаванай намі кампазіцыі з’яўляецца стылізаваны герб горада Гродна — алень святога Губерта. Гэты геральдычны знак ужо некалькі стагодзяў з’яўляецца нязменным сімвалам нашага горада, сведчаннем яго славы і велічы", — дадаў гісторык.


Дасланыя прапановы гарвыканкам будзе разглядаць і ацэньваць з улікам меркавання спецыяльна створанай рабочай групы з прадстаўнікоў гродзенскага выканкама, профільных ВНУ, грамадскіх турыстычных аб’яднанняў, розных арганізацый, гісторыкаў і г. д. Таксама будзе праведзена грамадскае галасаванне па ўсіх дасланых варыянтах брэнда.

Па выніках праведзенай працэдуры дзяржаўнай закупкі са стваральнікам заключаць дагавор на перадачу выключнага права на турыстычны брэнд горада Гродна: эскіза лагатыпа, слогана і апісання канцэпцыі.

Падзяліцца

Апошнія запісы

На могілках у Гродне з’явілася пліта расійскага салдата, які ваяваў супраць Украіны

Пліта Ведніка Леаніда Анатольевіча, які, верагодна, загінуў на вайне супраць Украіны, з'явілася ў калумбарыі на…

23 красавіка 2025

Як будзе выглядаць стогадовы дом у стылі канструктывізму на Міцкевіча пасля перабудовы: праект

Драўляны будынак у стылі канструктывізму 1930-х на Міцкевіча, 1 у Гродне перабудуюць у трохпавярховы гатэль…

23 красавіка 2025

У Гродне можна зрабіць здымак райка вока — паслуга падабаецца парам

Макраздымак райка (рус. - радужки) вока можна зрабіць у Гродне на вул. Будзённага. Закаханым прапануюць…

23 красавіка 2025

У Беларусі распрацуюць экскурсію па храмах і могілках Воранаўшчыны

У Нацыянальным агенцтве па турызме прапануюць распрацаваць экскурсію "Па святынях Воранаўшчыны". Аўтар зможа зарабіць 2820…

23 красавіка 2025

Дом быту ў Гродне прадалі на аўкцыёне з пятай спробы

Раней Дом быту на Замкавай, 4 спрабавалі прадаць ужо чатыры разы. У час аўкцыёну, які…

22 красавіка 2025

У гродзенскіх гатэлях амаль не засталося месцаў на травеньскія святы

У Threads беларус Дзяніс выказаў здзіўленне наконт таго, што ў гасцініцах і гатэлях Гродна ўсе…

22 красавіка 2025