Гродзенскі гісторык прапанаваў гораду новы брэнд. Зацаніце!

Распрацаваны праект брэнда Гродна гісторык Мечыслаў Супрон адправіў 3 чэрвеня ў гарвыканкам. Над ім гродзенец працаваў каля тыдня.

У красавіку для фарміравання адзінай стратэгіі прасоўвання турыстычнага патэнцыялу Гродна гарвыканкам аб’явіў конкурс на стварэнне гандлёвай маркі горада. Некалькі гродзенцаў адгукнуліся на прапанову, у тым ліку і гісторык Мечыслаў Супрон. Сваю працу ён выклаў у сацыяльныя сеткі.

«Я не толькі гісторык, але і дызайнер. Апошняй прафесіяй у жыцці карыстаўся не вельмі часта, але калі ўбачыў інфармацыю пра брэнд Гродна, вырашыў абнавіць свае веды і нешта зрабіць. Хай гродзенцы ацэняць», – распавёў Супрон.

Гродзенскі гісторык прапанаваў гораду новы брэнд. Зацаніце!
Аснова кампазіцыі лагатыпа – стылізаваны надпіс “Hrodna”. Пад ім змешчаны слоган “The city with soul”, што ў перакладзе азначае “Горад з душой”. Над надпісам алень святога Губерта.

«Душа Гродна – тыя нематэрыяльныя каштоўнасці , якімі славіцца наш горад. Гэта багатыя традыцыі і гісторыя, сівыя легенды і паданні, загадкі і таямніцы. Гродна мае сваю напаўторную атмасферу, якая чаруе кожнага, хто тут бывае.

Гродна – горад з тысячагадовай гісторыяй. Пры распрацоўцы эскіза лагатыпа мы абапіраліся, у першую чаргу, на традыцыяныя элементы, якія атаясамляюцца менавіта з гэтым горадам і яго культурай. Найбольш выразнай часткай распрацаванай намі кампазіцыі з’яўляецца стылізаваны герб горада Гродна – алень святога Губерта. Гэты геральдычны знак ужо некалькі стагодзяў з’яўляецца нязменным сімвалам нашага горада, сведчаннем яго славы і велічы», – дадаў гісторык.

Гродзенскі гісторык прапанаваў гораду новы брэнд. Зацаніце!
Гродзенскі гісторык прапанаваў гораду новы брэнд. Зацаніце!

Дасланыя прапановы гарвыканкам будзе разглядаць і ацэньваць з улікам меркавання спецыяльна створанай рабочай групы з прадстаўнікоў гродзенскага выканкама, профільных ВНУ, грамадскіх турыстычных аб’яднанняў, розных арганізацый, гісторыкаў і г.д. Таксама будзе праведзена грамадскае галасаванне па ўсіх дасланых варыянтах брэнда.

Па выніках праведзенай працэдуры дзяржаўнай закупкі са стваральнікам заключаць дагавор на перадачу выключнага права на турыстычны брэнд горада Гродна: эскіза лагатыпа, слогана і апісання канцэпцыі.

Перадрук матэрыялаў Hrodna.life магчымы толькі з пісьмовага дазволу рэдакцыі. Звяртайцеся info@hrodna.life

Каментары

Spelling error report

The following text will be sent to our editors: