Здароўе і спорт

«Ужо традыцыя прабегчы гэты старт». Пераможца «Гарадзенскай вандроўкі» пра забег

Першае месца на дыстанцыі 10 км на «Гарадзенскай вандроўцы», якая прайшла ў Гродне 2 чэрвеня, заняў Арцём Логіш. На фінішы ён абагнаў леташняга лідара Ігара Цецярукова.

Арцём Логіш родам з Гродна, 28 гадоў. Прафесійны атлет, бронзавы прызёр Чэмпіянату Еўропы па кросе, двухразовы чэмпіён Беларусі.

«Гэта ўжо як традыцыя — прабегчы гродзенскі старт, у якім у гэтым годзе прыняла ўдзел рэкордная колькасць чалавек. Калі не падманвае статыстыка, то больш за 700 чалавек, — распавядае Арцём. — Надвор'е для шасэйнага бегу было вельмі гарачае. Прафесійныя спартсмены яшчэ нармальна пераносяць такое, але аматарам я б не раіў бегаць у такі час. Сама па сабе траса цяжкая — вельмі шмат уздымаў. А так на мерапрыемстве прыемная атмасфера, людзі бягуць і ўсе адзін аднаго падтрымліваюць».

Арцём другі раз удзельнічаў у «Гарадзенскай вандроўцы». У мінулым годзе ён выпусціў перамогу на фінішы, быў чацвёртым. Сёлета ўдалося ўзяць рэванш у калег.

«Мы часта спаборнічаем з Ігарам Цецяруковым (у мінулым годзе быў першым на дыстанцыі 10 км). Беглі разам па дыстанцыі. Мне 28, а Ігару 41. На фінішы я трохі хутчэйшы быў. Але тым не менш Ігар не здаваўся. Дай Бог, каб я ў такім жа ўзросце бегаў як ён і канкураваў з маладымі.

Сёння мая жонка ўпершыню бегла 5 км. Я вельмі перажываў, што хуткая будзе ляцець за ёй, бо бегала яна раней па 3−4 км. Але перш за ўсё хачу сказаць гродзенцам, каб усе спадзяваліся на свае сілы, не трэба за кімсьці цягнуцца, а трэба бегчы па адчуванні. Дрэнна становіцца з-за таго, што людзі сябе пераацэньваюць. Трэба трэніравацца загадзя, а не за тры дні. Нетрэніраваны чалавек можа прынесці сабе шмат шкоды", — дадаў Арцём.

Падзяліцца

Апошнія запісы

«Інтэр'еры з Pinterest» і «цэны як у Венецыі». У Гродне адкрылі буцік-гатэль The Cult на месцы знесенага гістарычнага будынка

У Гродне на Віленскай, 37 адкрыўся новы буцік-гатэль і рэстаран The Cult - і выклікаў…

2 красавіка 2025

Гронкі кветак, люстэркі і ружовае футра. У Гродне з’явіліся вясновыя фотазоны

Пакуль сады толькі заквітнеюць, ва ўстановах і крамах Гродна падрыхтавалі вясновыя фотазоны. Часта гэта гронкі…

2 красавіка 2025

Старадаўнія падвалы ў цэнтры Гродна прыцягваюць бізнес. Калі памяшканні можна выкарыстоўваць у камерцыйных мэтах?

На Савецкай вуліцы каля 80% падвалаў задзейнічаны пад бізнес, прыводзіць статыстыку газета “Гродзенская праўда”. Пры…

1 красавіка 2025

У Гродне адкрыецца школа барыста — арганізатары хочуць, каб ва ўстановах варылі якасную каву

Уладальнікі гродзенскіх кавярань «Крепкий белый» і «Крепкий черный» запускаюць школу барыста. Летась арганізатары ўжо праводзілі…

1 красавіка 2025

Гродзенец стварыў дакладную копію Фарнага касцёла ў мініяцюры — і друкуе фігуркі на 3D-прынтары

Гродзенец Ігар Апякун канструюе мэблю для круізных лайнераў - стварае прататыпы праз спецыяльную праграму. Ігар…

31 сакавіка 2025

Блогер-гісторык Яўген Аснарэўскі выдаў турыстычны даведнік па Гродне з аўтарскімі маршрутамі

Кніга «Удивительный Гродно» Яўгена Аснарэўскага выйшла ў мінскім выдавецтве «Рыфтур». Даведнік разлічаны і на турыстаў,…

31 сакавіка 2025