З 1 чэрвеня даражэюць: камуналка, цыгарэты, інтэрнэт

З 1 чэрвеня ў Беларусі вырастуць тарыфы на некаторыя камунальныя паслугі, падаражэюць цыгарэты і з’явяцца ў продажы новыя маркі, а таксама вырастуць цэны на хатні інтэрнэт ад мабільнага аператара.

Падаражэюць ацяпленне і падагрэў вады

З 1 чэрвеня ў Беларусі падвысяць субсідаваныя тарыфы на цеплазабеспячэнне — ацяпленне і абаграванне вады, піша t*t.by.

Яны вырастуць з 16,9259 да 18,4831 рубля за 1 Гкал. Эканамічна абгрунтаваны тарыф на гэтыя жыллёва-камунальныя паслугі застанецца на ранейшым узроўні - 88,99 рубля за 1 Гкал. Цяперашняе падаражэнне паслуг цеплазабеспячэння прадугледжана планавых павышэннем тарыфаў на жыллёва-камунальныя паслугі ў межах 5 долараў.

Падаражэюць цыгарэты і з’явяцца ў продажы новыя маркі

З 1 чэрвеня падаражэюць некаторыя маркі цыгарэт. З наступнага месяца ў продажы таксама з’явяцца новыя маркі.

Цэны падымуць на некаторыя цыгарэты гарадзенскай тытунёвай фабрыкі «Нёман» і прадпрыемства «Беларусьгандаль». З чэрвеня таксама з’явяцца ў продажы цыгарэты BOND STREET BLUE SELECTION, BOND STREET PREMIUM SPECIAL — па 1,9 рубля.

velcom | A1 павысіць цэны і хуткасць фіксаванага інтэрнэту

velcom | A1 зменіць з 1 чэрвеня ўмовы абслугоўвання па некаторых тарыфных планах фіксаванай сувязі. На некаторых тарыфных планах фіксаванай сувязі і тэлебачання зменіцца кошт паслуг. Для прыватных кліентаў штомесячны плацёж павялічыцца ад 1,79% да 6,5% у сярэднім, у залежнасці ад тарыфнага плана. Для карпаратыўных кліентаў кошт паслуг сувязі павялічыцца ў сярэднім на 5%