У Жодзіне студэнт скокнуў у люк, каб выратаваць маленькае дзіця

22 мая студэнт Артур Кіткевіч выратаваў дзіця, якое звалілася ў адкрыты люк. Пра гэта карэспандэнту ЕX-PRESS.BY распавёў чытач, які стаў сведкам здарэння.

— Гэта было каля 18.00, людзей на вуліцы было не вельмі шмат. Па траўцы бег малы, на выгляд каля 2,5−3-х гадоў, яго мама ішла трошку наводдаль. Раптам дзіця знікла з яе поля зроку. Як аказалася, малы зваліўся ў адкрыты люк. Жанчына адчайна закрычала, — распавёў Сяргей.

За лічаныя секунды ля люка апынуўся хлопец, які да гэтага сядзеў на лаўцы з сябрамі метрах у ста, хлопцы пабеглі разам з ім. Хлопец заскочыў у яму глыбінёй каля трох метраў, і з яе дна з дапамогай сяброў дастаў хлопчыка. Малы быў на першы погляд у парадку, мама забрала яго дадому, у адзін з бліжэйшых інтэрнатаў. Пра тое, ці звярталася жанчына па медыцынскую дапамогу, невядома.

— Смурод стаяў страшны, усе былі брудныя жудасна. Але хлопцы, асабліва той, які бег першым і скокнуў у яму, на мой погляд, проста герой, — распавёў Сяргей.

Ён не паспеў сфатаграфаваць герояў гэтай гісторыі. Калі вяртаўся дадому, люк ужо зачынілі накрыўкай і яшчэ дошкай.

Як паведамілі EX-PRESS.BY студэнты Жодзінскага політэхнічнага каледжа, хлопец, які выратаваў маляня 22 мая ўвечары — студэнт 4 курса Артур Кіткевіч.

— Я пачуў крык і проста пабег, ні пра што не думаючы, проста адчуваючы, што патрэбна дапамога, — распавёў EX-PRESS.BY Артур Кіткевіч.

У сваім учынку ён не бачыць нічога геройскага. У той момант ён і яго сябры вярталіся з трэніроўкі па футболе, прыселі на лаўку крыху адпачыць.

Артур Кіткевіч (у цэнтры) і яго сябры Яўген Чарнушэвіч і Ілля Жураўлёў пасля здарэння.

Артур з горада Ашмяны Гродзенскай вобласці. У Жодзіне вучыцца на электрыка, хутка яму трэба будзе абараніць дыпломную працу, атрымаць дыплом і адправіцца ў родны горад, працаваць у мясцовыя «Электрасеткі».

Падзяліцца

Апошнія запісы

У Гродне падаражэў праезд у гарадскім транспарце — і на прыгарадных маршрутах

З 5 красавіка ў Гродне талоны на праезд у гарадскім грамадскім транспарце даражэюць на 10…

4 красавіка 2025

«Інтэр'еры з Pinterest» і «цэны як у Венецыі». У Гродне адкрылі буцік-гатэль The Cult на месцы знесенага гістарычнага будынка

У Гродне на Віленскай, 37 адкрыўся новы буцік-гатэль і рэстаран The Cult - і выклікаў…

2 красавіка 2025

Гронкі кветак, люстэркі і ружовае футра. У Гродне з’явіліся вясновыя фотазоны

Пакуль сады толькі заквітнеюць, ва ўстановах і крамах Гродна падрыхтавалі вясновыя фотазоны. Часта гэта гронкі…

2 красавіка 2025

Старадаўнія падвалы ў цэнтры Гродна прыцягваюць бізнес. Калі памяшканні можна выкарыстоўваць у камерцыйных мэтах?

На Савецкай вуліцы каля 80% падвалаў задзейнічаны пад бізнес, прыводзіць статыстыку газета “Гродзенская праўда”. Пры…

1 красавіка 2025

У Гродне адкрыецца школа барыста — арганізатары хочуць, каб ва ўстановах варылі якасную каву

Уладальнікі гродзенскіх кавярань «Крепкий белый» і «Крепкий черный» запускаюць школу барыста. Летась арганізатары ўжо праводзілі…

1 красавіка 2025

Гродзенец стварыў дакладную копію Фарнага касцёла ў мініяцюры — і друкуе фігуркі на 3D-прынтары

Гродзенец Ігар Апякун канструюе мэблю для круізных лайнераў - стварае прататыпы праз спецыяльную праграму. Ігар…

31 сакавіка 2025