4 гадзіны (з 2:30 да 06:40) працавалі выратавальнікі Кузніцы ў экстраным рэжыме ў пятніцу, 24 мая. Гэта было звязана з уцечкай хімічнага рэчыва з беларускага грузавіка, паведамляе AutoGrodno.by са спасылкай на Isokolka.eu.
Ноччу выратавальнікам паведамілі, што з адной з бочак, якія перавозяцца на беларускім аўтацягніку, выцякае хімічнае рэчыва. На месца прыбыла шмат спецыяльных службаў з Саколкі і Кузніцы, а таксама дзве хімічныя выратавальныя каманды з Беластока.
Паведамленне з мяжы прыйшло ноччу ў 02:32. Паведамлялася, што з паўпрычэпа грузавіка выцякае невядомы хімікат. Пажарнай камандзе неадкладна паведамілі пра інцыдэнт. Ратавальнікі пазначылі зону бяспекі.
Першыя дзеянні пажарных складаліся з вызначэння небяспечнай зоны радыусам 50 метраў, распрацоўцы адной лініі пажаратушэння (у якасці гарантыі) і праверцы стану паветра з дапамогай даступных вымяральных прыбораў.
Так што гэта за рэчыва?
На падставе накладной, атрыманай ад кіроўцы, устаноўлена, што ў транспартным сродку знаходзілася 9 хімічных паддонаў, так званага «дапаможнага матэрыялу для тэкстылю», у бочках па 135 л, вагой каля 7 тон. Яшчэ 17 паддонаў з рэчывам, званым «тэкстыльныя фарбавальнікі, дапаможныя рэчывы для тэкстылю», у бочках па 135 л, вагой каля 13 тон.
У дакументах было пазначана, што вадкасць валодае раздражняльнымі і сэнсібілізіруючымі ўласцівасцямі для скуры і дыхальных шляхоў.
Сенсібілізацыя — набыццё арганізмам спецыфічнай падвышанай адчувальнасці да чужародных рэчываў-алергенаў. Яе могуць выклікаць бактэрыі і вірусы (іх антыгены і таксіны), хімічныя рэчывы, у тым ліку многія лекавыя сродкі, прамысловыя яды і г. д.
Пасля прыезду спецыялістаў з Беластока супрацоўнікі пажарнай аховы ў хімахоўнай вопратцы правялі лакалізацыю уцечкі. Вядома, што пацярпелых не было, не было і эвакуацыі людзей.
Чаму пачалася ўцечка?
Аказалася, што груз зрушыўся ў бок. Паддоны раздушылі і перавярнулі адзін з 135-літровых пластыкавых кантэйнераў, што і прывяло да ўцечкі каля 80 літраў рэчыва. Пасля збору і аналізу узораў было вызначана, што гэта сінтэтычны арганічны прадукт, які выкарыстоўваецца ў якасці флуарэсцэнтнага адбельвальніка або люмінафора.
Далейшыя дзеянні складаліся ў памяншэнні зоны да 10 м і разгрузцы пашкоджанага паддона. У той жа час, разлітае хімічнае рэчыва было сабрана з дапамогай сарбенту. Пашкоджаную бочку замацавалі і апячаталі, а забруджанае месца ачысцілі вадой.
Груз замацавалі транспартнымі стужкамі для далейшага руху па дарозе ў бок Беларусі.
У аперацыі прынялі ўдзел 20 пажарных і памежнікаў.
