Навіны

Імпрэсіянізм у Гродне. Як мастакі, дыпламаты і дзеці з хоспіса разам пісалі карціны

Гродзенскія мастакі, дыпламаты з консульстваў Літвы і Польшчы і дзеці з Гродзенскага дзіцячага хоспіса сабраліся на арт-сесію «Хвалі дабрыні». Разам яны напісалі карціны ў стылі імпрэсіянізму. Пазней іх пакажуць на выставах, а за атрыманыя сродкі купяць абсталяванне для пацыентаў хоспіса.

— Ідэя нарадзілася два гады таму. Я бачыла, як у Літве робяць такія мерапрыемствы, у Польшчы. Мне здаецца, гэта добры пасыл — развіваць дабрачыннасць на розных культурах і імкнуцца аб’ядноўваць рэсурсы. Хочацца, каб наш прыклад развіваў дабрачыннасць у Гродне і краіне. Разам з дыпламатычным корпусам, які працуе ў горадзе, — кажа Вольга Вялічка, дырэктарка хоспіса.

youtu.be/Cms7kJocqtI

Дзесяць мастакоў, дзесяць дыпламатаў і дзесяць дзяцей аб’ядналіся ў тройкі згодна з жараб’ёўкай. Мастакі намецілі аснову малюнка і пачалася сумесная праца. Дзеці ўдзельнічалі ў працэсе ў сілу сваіх магчымасцяў. Але паўдзельнічаў кожны. У польскім консульстве адзначылі, што героі мерапрыемства — дзеці, якім тут шчыра хочуць дапамагчы. Але і дарослыя могуць адкрыць у сабе таленты.

— Дабрыня не мае ні нацыянальнасцяў, ні межаў, і гэта тая справа, якой мы па закліку душы абавязаны займацца. Галоўнае зрабіць гэта для дзяцей, якім патрэбна нават не дапамога, а ўвага, — кажуць у літоўскім консульстве. Абодва консульства, дарэчы, не першы год рэалізуюць сумесныя праекты з хоспісам. І абяцаюць дапамагаць далей.

Падчас акцыі ўдзельнікі пісалі карціны на гродзенскую тэматыку ў стылі імпрэсіянізму. Гэты стыль зарадзіўся ў канцы 19-га стагоддзя, калі мастакі адкінулі правілы і пачалі маляваць так, як бачаць і адчуваюць. У Гродне мастакі адлюстроўвалі ў працах Нёман, ваду, архітэктуру горада.

Мерапрыемства прайшло ў «Кронан Парк Гатэлі». Акрамя арт-сесіі, там можна было пагуляць у дзіцячай зоне або паспрабаваць сілы ў настольных гульнях ад Цэнтра адпачынку і развіцця «Партал».

Ужо летам 2019 года створаныя падчас акцыі работы пакажуць на выставах у Польшчы і Літве, а перад Новым годам — ​​у Гродне. На атрыманыя ад дэманстрацыі сродкі купяць абсталяванне для пацыентаў хоспіса.

Ахвяраванні ў праекце «Хвалі дабрыні» патрэбныя на куплю двух кахлятараў (яны дапамагаюць адкашляцца, калі ў дзіцяці не хапае сіл), двух вертыкалізатараў (яны дапамагаюць падняць дзіцяці на час працэдур), трахеастамічных трубак і фільтраў для іх, а таксама апарата, з якім можна браць аналізы дома. Агульны кошт неабходнага абсталявання — каля 60 000 рублёў.

«Хвалі дабрыні» — не першая мастацкая акцыя Гродзенскага дзіцячага хоспіса. У 2017 годзе мастакі горада паўдзельнічалі ў праекце «З вера ў жыццё і людзей» у падтрымку дзяцей з анкалагічнымі захворваннямі.

Апошнія запісы

«Інтэр'еры з Pinterest» і «цэны як у Венецыі». У Гродне адкрылі буцік-гатэль The Cult на месцы знесенага гістарычнага будынка

У Гродне на Віленскай, 37 адкрыўся новы буцік-гатэль і рэстаран The Cult - і выклікаў…

2 красавіка 2025

Гронкі кветак, люстэркі і ружовае футра. У Гродне з’явіліся вясновыя фотазоны

Пакуль сады толькі заквітнеюць, ва ўстановах і крамах Гродна падрыхтавалі вясновыя фотазоны. Часта гэта гронкі…

2 красавіка 2025

Старадаўнія падвалы ў цэнтры Гродна прыцягваюць бізнес. Калі памяшканні можна выкарыстоўваць у камерцыйных мэтах?

На Савецкай вуліцы каля 80% падвалаў задзейнічаны пад бізнес, прыводзіць статыстыку газета “Гродзенская праўда”. Пры…

1 красавіка 2025

У Гродне адкрыецца школа барыста — арганізатары хочуць, каб ва ўстановах варылі якасную каву

Уладальнікі гродзенскіх кавярань «Крепкий белый» і «Крепкий черный» запускаюць школу барыста. Летась арганізатары ўжо праводзілі…

1 красавіка 2025

Гродзенец стварыў дакладную копію Фарнага касцёла ў мініяцюры — і друкуе фігуркі на 3D-прынтары

Гродзенец Ігар Апякун канструюе мэблю для круізных лайнераў - стварае прататыпы праз спецыяльную праграму. Ігар…

31 сакавіка 2025

Блогер-гісторык Яўген Аснарэўскі выдаў турыстычны даведнік па Гродне з аўтарскімі маршрутамі

Кніга «Удивительный Гродно» Яўгена Аснарэўскага выйшла ў мінскім выдавецтве «Рыфтур». Даведнік разлічаны і на турыстаў,…

31 сакавіка 2025