Не даціснулі: «Нёман» у Гродне мінімальна прайграў БАТЭ

Паказаўшы баявую гульню на сваім полі супраць чэмпіёна ў пятніцу 17 мая, падапечныя Ігара Кавалевіча так і не здолелі вызначыцца. БАТЭ мінімальна абыграў «Нёман» і павёз з Гродна каштоўныя 3 ачкі.

Адзіны мяч у матчы на ​​34-й хвіліне забіў Яўген Яблонскі. Паходу сустрэчы «Нёман» больш валодаў перавагай, але вось у атацы гульня ў гаспадароў ніяк не ішла.

«Нёман» — БАТЭ — 0:1

Галоўны трэнер гродзенскага «Нёмана» Ігар Кавалевіч пасля паразы сваёй каманды ад БАТЭ 0:1 адзначыў, што каманда не заслугоўвала такога выніку, патлумачыў, каго не хапала і хто расчараваў.

«Самае галоўнае — вынік. Таму хочацца сказаць, што мы не заслужылі паразу. Зноў жа, ёсць гульні, у якіх можна сказаць, што мы не заслужылі перамогі. Як ёсць. Я задаволены камандай, тым як яна паставілася да гульні. Асабліва ў другім тайме, калі мы прымусілі лідэра чэмпіянату абараняцца. Нам не хапала наперадзе Н’джэнга, ён атрымаў траўму ўчора. Мы аказвалі ціск, але ціск быў некалькі хаатычны. Незадаволены Алыкуловым, якому столькі было дыфірамбаў. Прыязджала ў Гродна „Беларусь 5“ яго здымала. Напэўна Роберта дэ Ніра здымалі радзей. Дзве гульні ён выходзіць вельмі дрэнна, з „Дняпром“ і цяпер. Але ён малады хлопец, мы рызыкуем. Што мяне асабліва парадавала — упершыню за доўгі час усе гледачы засталіся на трыбунах да 94 хвіліны. Гэта самы галоўны вынік. Гульня трымала ў напрузе ўсе 95 хвілін. Папракнуць сваіх хлопцаў, як мінімум, у жаданні я не магу. Можа дзесьці ў майстэрстве саступілі. Віншую суперніка з перамогай», — сказаў Ігар Кавалевіч.

Пасля паразы «Нёман» працягвае трымаць шосты радок у турнірнай табліцы з 13-ю ачкамі ў актыве. БАТЭ ж дзякуючы перамозе ў Гродне, размясціўся на першым радку, маючы пры гэтым 18 ачкоў.









Падзяліцца

Апошнія запісы

На Ласасянцы з’явяцца масткі і пляж. Там будзе парк адпачынку на Фолюшы

У мікрараёне Фолюш у Гродне ўзвядуць парк адпачынку. Яго хочуць зрабіць камфортным для моладзі і…

29 красавіка 2025

У цэнтры Гродна закрылася крама спорттавараў, якая працавала больш за 30 гадоў

Гродзенцы звярнулі ўвагу, што з будынка па вуліцы Ажэшкі, 42 знікла шыльда «Спорттавары». Instagram-акаўнт крамы…

28 красавіка 2025

Фільм на кітайскай раскажа пра Гродна і яго «інвестыцыйную прывабнасць»

Іміджавы фільм аб інвестыцыйнай прывабнасці Гродна задумалі ў гарвыканкаме. На яго выдаткуюць бюджэтныя грошы. Відэа…

28 красавіка 2025

У Гродне з’явіўся амерыканскі дэсерт — печыва з рознымі начыннямі

У Гродне пачалі прадаваць «крамбл кукіс» — амерыканскае печыва з рознымі дадаткамі і салодкімі топінгамі.…

28 красавіка 2025

Назву гурта Dzieciuki і яго сацсеткі прызналі «экстрэмісцкімі». Падобна, што «экстрэмісцкай» стала і першая беларускамоўная газета

Сацсеткі панк-гурта з Гродна Dzieciukі і сам гэты надпіс у Беларусі прызналі "экстрэмісцкімі матэрыяламі". Паводле фармулёўкі…

27 красавіка 2025

Нерухомасць тыдня: у Гродне прадаюць дом з ажурным балконам за 60 метраў ад Нёмана

У Гродне на продаж выставілі дом на 2-м Падольным завулку - па суседстве з рэстаранам…

26 красавіка 2025