Раней яны ўжо абследавалі ўсе масты праз Нёман у абласным цэнтры. Аднак Новы мост трэба дадаткова праверыць на трываласць апорных канструкцый, — паколькі ўзвядзенню каля 50 гадоў. Як паведамілі grodnonews.by ў гарадскім аб’яднанні жыллёва-камунальнай гаспадаркі, толькі пасля такога комплекснага абследавання можна будзе прыступаць да рамонту праезнай часткі.
Мост быў здадзены ў эксплуатацыю ў 1971 годзе. Ён уяўляе сабой шарнірна-падвесную канструкцыю ў выглядзе т-падобных апор з кансолямі. На іх выкладзеныя 30-метровыя рухомыя бэлькі. На мосце шэсць дэфармацыйных швоў, у той час як на Старым мосце толькі два. За доўгі час эксплуатацыі канструкцыя маста стварае так званыя хвалепадобныя ўспучыны на праезнай частцы. З улікам абследаванняў можна будзе казаць аб праекце рэканструкцыі моста па вуліцы Паповіча.
Менш праблемны Румлёўскі мост, пабудаваны ў 1986 годзе. У аснове яго канструкцыі суцэльная бэлька даўжынёй каля 200 метраў, таму мост не мае дэфармацыйных швоў. Дарэчы, у канструкцыі гэтага маста ўпершыню ў Беларусі ужытае зборнае, папярэдне напружанае пралётнае пабудаванне. Гэта павышае яго надзейнасць.
У перспектыве ж абодва маста чакае капітальны рамонт. Аднак, магчыма гэта будзе толькі пасля рэканструкцыі непрацуючага аднакалейнага чыгуначнага маста пад аўтамабільны ў раёне Кашэўнікі.
На таргі выставілі ўчастак каля кальцавой развязкі праспекта Касманаўтаў і вуліцы Карскага. Згодна з прызначэннем…
Сэрвіс карт ад Google абнавіў спадарожнікавыя фатаграфіі Гродна. На іх можна ўбачыць найбуйнейшыя будоўлі горада,…
Гродзенка Вікторыя Талкоўская апублікавала TikTok, у якім папрасіла гараджан назваць самыя змрочныя месцы Гродна. За…
Плануецца, што ў кожным раёне з’явіцца па дзве новыя пляцоўкі для выгулу хатніх жывёл. Адпаведны…
Гродзенскі абласны суд прызнаў Ежы Грыгенчу вінаватым паводле чатырох крымінальных артыкулаў. Яму прызначылі шэсць гадоў…
Блогер з Гродна Аляксей Саўко з ростам у 136 см апублікаваў фота ў футболцы “Команда…