18 траўня, у Міжнародны дзень музеяў, у Гродне і вобласці традыцыйна пройдзе акцыя «Ноч музеяў», піша grodnonews.by.
Стартаваўшы ў Берліне ў 1997 годзе, яна хутка стала міжнароднай і вельмі папулярнай. За мяжой у гэты дзень музеі можна наведаць бясплатна, у Беларусі большасць музеяў працуюць дапазна і прапануюць спецыяльныя праграмы. Музеі Гродзеншчыны — не выключэнне.
Музей гісторыі рэлігіі галоўнай тэмай свята выбраў музыку. У 19:30 пакажуць гламур-оперу «Чырвоны Каптурок» ад абласнога тэатра лялек. Затым — незвычайныя музычныя інструменты з калекцыі Ігара Адасіка. Напрыклад, кахон, рык або Бонг. У гэты вечар «загучаць» нават карціны: асобныя працы Аляксандра Рымарчыка прысвечаны музычным інструментам. Убачыць іх прапануюць у незвычайных абставінах: выхаплены з цемры промнем пражэктара. У гэты ж час навучэнцы музычнай школы № 2 дапамогуць інструментам ажыць і загучаць. Завершыцца вечар бліжэй да палуначы праграмай «Саксафон ў ночы» ў выкананні Аляксандра Краўчука і Ігара Гіро і пясочнай анімацыяй ад Веранікі Паплаўскай.
Гісторыка-археалагічны музей прапануе праграму, поўную містыкі і міфаў. Распачнецца яна 17 мая ў 21.00. Гасцей запросяць на музычны дывертысмент «Містычныя гісторыі і ноч, калі яны ажываюць». Пасля антракту, падчас якога можна набыць сувеніры або паблукаць па залах музея, можна будзе паслухаць неа-фольк-рокавы праект «Вочы» Юрыя Дубовіка. У завяршэнне вечара гасцей чакаюць інтэрактыўныя вернісажы «Лясная містэрыя» Наталлі Салама, «Легенды і паданні Беларусі ў жывапісе», «Містыка. Алхімікі. Чарнакніжнікі», «Істоты з беларускіх міфаў і легенд».
Тэатральным стане 18 мая ў Мірскім замку. Мерапрыемствы тут пачнуцца апоўдні з батлеечнага прадстаўлення «Пекла Рыма ды Міра», мастацкай фантазіі на тэму знаёмства князя Мікалая Радзівіла Сіроткі і італьянскага архітэктара Яна Марыі Бернардоні. А ў 16.00 ва ўнутраным дворыку замка студэнты Беларускай дзяржаўнай акадэміі мастацтваў прадставяць тэатральную пастаноўку «Хрыстос прызямліўся ў Гародні» па знакамітым рамане Уладзіміра Караткевіча.
Наведаць модны паказ і ўбачыць, у што прыбіраліся нашыя продкі ў XVI — XIX стагоддзях, можна ў музеі-сядзібе Агінскага ў Залессе. Гасцей тут чакаюць да 19.00. Таксама пройдзе інтэрактыўная экскурсія па сядзібе, тэатралізаваная прэзентацыя. Завершыцца вечар музычным прадстаўленнем і танцавальным флэшмобам, які аб’яднае бальныя танцы пазамінулага стагоддзя, народныя танцы, а таксама сучасныя кірункі.
«Музейны трыпціх» можна будзе «прачытаць», а дакладней наведаць, у Лідзе. Мерапрыемствы акцыі «Ноч музеяў» пройдуць адразу на трох пляцоўках. З 18.00 у гісторыка-мастацкім музеі будуць працаваць дзіцячыя пляцоўкі з квэстам, шоу мыльных бурбалак і крыя-шоў. Гасцей чакаюць фотазоны і інтэрактыўныя экскурсіі. У Лідскім замку з 19:30 пачнецца фаер-фэст «Фенікс» і да палуначы свае праграмы будуць прэзентаваць тэатры агню. У перапынках — музычныя прадстаўлення і розыгрышы прызоў. На наступны дзень, 19 траўня, гасцей чакаюць у доме Валянціна Таўлая, дзе ў 18.00 адкрыецца музычна-літаратурная гасцёўня.
На таргі выставілі ўчастак каля кальцавой развязкі праспекта Касманаўтаў і вуліцы Карскага. Згодна з прызначэннем…
Сэрвіс карт ад Google абнавіў спадарожнікавыя фатаграфіі Гродна. На іх можна ўбачыць найбуйнейшыя будоўлі горада,…
Гродзенка Вікторыя Талкоўская апублікавала TikTok, у якім папрасіла гараджан назваць самыя змрочныя месцы Гродна. За…
Плануецца, што ў кожным раёне з’явіцца па дзве новыя пляцоўкі для выгулу хатніх жывёл. Адпаведны…
Гродзенскі абласны суд прызнаў Ежы Грыгенчу вінаватым паводле чатырох крымінальных артыкулаў. Яму прызначылі шэсць гадоў…
Блогер з Гродна Аляксей Саўко з ростам у 136 см апублікаваў фота ў футболцы “Команда…