Оскар прыехаў на свята 9 мая ў Гродна з Бераставіцкага памежнага пункту пропуску разам з Вольгай Галяковай. Ужо два гады яны служаць разам. Оскар спецыялізуецца ў пошуку выбухоўкі і зброі. Вольга — кінолаг. На гарадскіх святах яны частыя госці - у Оскара з дзецьмі поўнае ўзаемапаразуменне.
«Ён маленькіх любіць, абліжа з галавы да ног, мыць не трэба будзе, — жартуе памежніца. — Можа і пагуляць, і папазіраваць, і нават заспяваць».
Праўда, Вольга ўсё роўна ўвесь час трымае чатырохлапага сябра на павадку. Ён, канечне, не ўкусіць нікога, бо добра выхаваны. Але, гуляючы, можа так наскочыць, што не кожны дарослы на нагах утрымаецца, не кажучы ўжо пра дзіця.
-Відаць, маладзенькі яшчэ? — цікавіцца дабрадушным сабакам тата малога, які аж пішчыць ад гульні.
-Ён у душы малады, — аджартоўваецца Вольга, — а так дарослы, яму сем гадоў.
Увесь гэты час Оскар працуе на мяжы. Яго спецыялізацыя — выбухоўка і зброя. Знаходзіць іх сабаку даводзілася і на мяжы, і ў сумесных з міліцыяй рэйдах. Таксама Оскар не аднойчы даказваў свой прафесіяналізм, здабываючы прызы на рэспубліканскіх і міжнародных спаборніцтвах.
Пад апекаю Вольгі ёсць яшчэ адзін сабака — бельгійская аўчарка Пэры. Гэтым разам яна засталася дома, бо справіцца з такім «энерджайзерам», як Пэры, у натоўпе больш складана. Затое на працы яны з Вольгай разумеюць адна адну з паўпагляду. Пэры — спецыялістка па наркотыках. Разам яны працуюць ужо 6 гадоў. «Пашанцавала з сабакам, — расказвае Вольга. — Здаецца, яна заўжды ўсё ўмела. Проста потым навучыла мяне гэта разумець». Узаемаразуменне і выніковасць працы «дзяўчат» таксама адзначана прызамі міжнародных спаборніцтваў.
Вольга кажа, што Пэры таксама вельмі па-сяброўску ставіцца да людзей і любіць, калі з ёй гуляюць. Нават сваю працу на мяжы сабака ўспрымае як цікавую гульню.
Дабрыня строгіх службовых сабакаў - цалкам нармальная рэч, тлумачыць кінолаг. «На мяжы мы ўвесь час з людзьмі працуем. Бывае, нехта падыходзіць пагладзіць ці нават пагуляць. Таму выхоўваем сабак сяброўскімі. Нельга, каб на пунктах пропуску сабакі паводзілі сябе агрэсіўна».
Пакуль сады толькі заквітнеюць, ва ўстановах і крамах Гродна падрыхтавалі вясновыя фотазоны. Часта гэта гронкі…
На Савецкай вуліцы каля 80% падвалаў задзейнічаны пад бізнес, прыводзіць статыстыку газета “Гродзенская праўда”. Пры…
Уладальнікі гродзенскіх кавярань «Крепкий белый» і «Крепкий черный» запускаюць школу барыста. Летась арганізатары ўжо праводзілі…
Гродзенец Ігар Апякун канструюе мэблю для круізных лайнераў - стварае прататыпы праз спецыяльную праграму. Ігар…
Кніга «Удивительный Гродно» Яўгена Аснарэўскага выйшла ў мінскім выдавецтве «Рыфтур». Даведнік разлічаны і на турыстаў,…
Як мінімум дзве гродзенскія кавярні, My Lover Berry і «Крепкий белый», вырашылі апрабаваць новы фармат…