Яшчэ ў канцы красавіка, шпацыруючы каля сажалкі на Віленскай, гродзенц Ігар заўважыў выдру, якая актыўна плавала па вадаёму. Відэа мужчына даслаў у рэдакцыю Hrodna.life.
За апошнія некалькі гадоў у цэнтры Гродна не раз заўважалі выдр. Упадабанае месца адпачынку гэтых жывёл — сажалкі ў цэнтры горада і набярэжная Нёмана.
https://www.instagram.com/p/BxCqspjopr9/
У заапарку распавялі Hrodna.life, што на дасланым відэа хутчэй за ўсё выдра. Звярок жыве ў цэнтры Гродна ўжо даўно. Яго можна заўважыць у розных месцах горада, некалькі разоў ён прыходзіў і да заапарка. Выдра, як і іншыя дробныя жывёлы ў горадзе, перасоўваецца ў асноўным па лесапаркавых зонах і рачных калідорах.