У Гродзенскай вобласці ад укусаў кляшчоў пацярпела 200 чалавек

Толькі за папярэдні тыдзень — 81, сярод іх 23 дзіцяці, піша sb.by.

Больш за ўсё пацярпелых зарэгістравана ў Гродне і Гродзенскім раёне. Па словах энтамолага абласнога цэнтра гігіены, эпідэміялогіі і грамадскага здароўя Валянціны Слізевіч, часцей за ўсё напады членістаногіх рэгістраваліся на тэрыторыі лясных масіваў, ускраінах населеных пунктаў, а таксама прыватных домаўладанняў у сельскай мясцовасці:

— Па выніках нашых абследаванняў найбольшая колькасць кляшчоў зафіксавана ў Гродне ў лесапарку Румлёва, урочышча Пышкі, Каложскім парку, Ласосна, а таксама на тэрыторыях лясных зон Іўеўскага, Свіслацкага, Гродзенскага і Шчучынскага раёнаў.

У гэтым годзе першыя ўкусы былі зафіксаваныя ў канцы лютага. Ранняй актыўнасці спрыялі ўмовы надвор’я. Усяго у 2018 годзе да лекараў звярнуўся 6351 пацярпелы ад нападу кляшчоў, а ў 2017-м — 8316. На зніжэнне колькасці крывасмокаў ў прыродзе, тэрыторыях абследаваных аб’ектаў паўплывалі мерапрыемствы па добраўпарадкаванні, супрацьклешчавой апрацоўцы.

Медыкі нагадваюць, што кляшчы могуць стаць пераносчыкамі дзевяці небяспечных захворванняў, сярод якіх часцей за ўсё сустракаюцца Лайм-барэліёз і клешчавы энцэфаліт. Заражэнне можа адбыцца не толькі пры прысмоктванні, але і праз мікратраўмы пры зняцці кляшча, выпадковага раздушвання, пры пападанні на кан’юнктыву вока, пры ўжыванні некіпячонага казінага малака, прадуктаў яго перапрацоўкі. У мінулым годзе ў Гродзенскай вобласці Лайм-барэліёзам захварэлі 230 чалавек, клешчавы энцэфаліт — 50.

Пераносчыкі кляшчоў - мышы, дзікія жывёлы, птушкі. Каб не дапусціць распаўсюджвання членістаногіх на сваіх участках, неабходна сачыць за парадкам, рэгулярна скошваць траву, а таксама высаджваць расліны, якія будуць іх адпужваць — чабор, шалфей, каўказскі рамонак. Можна засцерагчы сябе ахоўнымі палосамі - перекопкай участка па перыметры, адсыпкай жвіру. Для асабістай абароны варта выкарыстоўваць рэпеленты.

Спецыялісты звяртаюць асаблівую ўвагу на тое, што апрацоўку ад кляшчоў прысядзібных участкаў можна замовіць у цэнтрах гігіены і эпідэміялогіі па месцы жыхарства. Гэта можна зрабіць і самастойна, набываючы спецыяльныя хімічныя сродкі.

Падзяліцца

Апошнія запісы

У Гродне падаражэў праезд у гарадскім транспарце — і на прыгарадных маршрутах

З 5 красавіка ў Гродне талоны на праезд у гарадскім грамадскім транспарце даражэюць на 10…

4 красавіка 2025

«Інтэр'еры з Pinterest» і «цэны як у Венецыі». У Гродне адкрылі буцік-гатэль The Cult на месцы знесенага гістарычнага будынка

У Гродне на Віленскай, 37 адкрыўся новы буцік-гатэль і рэстаран The Cult - і выклікаў…

2 красавіка 2025

Гронкі кветак, люстэркі і ружовае футра. У Гродне з’явіліся вясновыя фотазоны

Пакуль сады толькі заквітнеюць, ва ўстановах і крамах Гродна падрыхтавалі вясновыя фотазоны. Часта гэта гронкі…

2 красавіка 2025

Старадаўнія падвалы ў цэнтры Гродна прыцягваюць бізнес. Калі памяшканні можна выкарыстоўваць у камерцыйных мэтах?

На Савецкай вуліцы каля 80% падвалаў задзейнічаны пад бізнес, прыводзіць статыстыку газета “Гродзенская праўда”. Пры…

1 красавіка 2025

У Гродне адкрыецца школа барыста — арганізатары хочуць, каб ва ўстановах варылі якасную каву

Уладальнікі гродзенскіх кавярань «Крепкий белый» і «Крепкий черный» запускаюць школу барыста. Летась арганізатары ўжо праводзілі…

1 красавіка 2025

Гродзенец стварыў дакладную копію Фарнага касцёла ў мініяцюры — і друкуе фігуркі на 3D-прынтары

Гродзенец Ігар Апякун канструюе мэблю для круізных лайнераў - стварае прататыпы праз спецыяльную праграму. Ігар…

31 сакавіка 2025