22-я краязнаўчая гульня «Я этим городом храним» прайшла ў Гродне 25 красавіка. 28 каманд спаборнічалі за званне наймацнейшай. Школьнікам трэба было быць не толькі хуткімі, але і добра ведаць забытыя вуліцы, хто вызваляў Гродзенскую вобласць падчас апошняй вайны, знакамітых дзеячоў і шмат іншага з гісторыі горада.
«Я гэтым горадам захаваны» — штогадовая краязнаўчая гульня сярод школьнікаў. Асноўная частка праходзіць у цэнтральнай частцы горада. Удзельнікі некалькіх гадзін праходзяць кантрольныя кропкі і адказваюць на пытанні па гісторыі горада.
Сёлета для школьнікаў былі падрыхтаваныя новыя кропкі са складанымі пытаннямі. Асноўныя тэмы — зніклыя вуліцы горада, вызваленне Гродзенскай вобласці ад нямецка-фашысцкіх захопнікаў і год малой Радзімы.
Пераможцамі гульні «Я гэтым горадам захаваны» ў 2018 годзе сталі вучні СШ № 13, другое месца заняла СШ № 20, трэцяе падзялілі гімназіі № 4 і СШ № 38. Пераможцы атрымалі прызы ад арганізатараў.
Гульня «Я гэтым горадам захаваны» існуе ў Гродне з 1997 года. За гэты час удзел у ёй прынялі тысячы школьнікаў. Некаторыя з іх пасля станавіліся гісторыкамі, журналістамі, краязнаўцамі і экскурсаводамі. Дзеці рыхтуюцца да конкурсу цягам усяго навучальнага года.
З 5 красавіка ў Гродне талоны на праезд у гарадскім грамадскім транспарце даражэюць на 10…
У Гродне на Віленскай, 37 адкрыўся новы буцік-гатэль і рэстаран The Cult - і выклікаў…
Пакуль сады толькі заквітнеюць, ва ўстановах і крамах Гродна падрыхтавалі вясновыя фотазоны. Часта гэта гронкі…
На Савецкай вуліцы каля 80% падвалаў задзейнічаны пад бізнес, прыводзіць статыстыку газета “Гродзенская праўда”. Пры…
Уладальнікі гродзенскіх кавярань «Крепкий белый» і «Крепкий черный» запускаюць школу барыста. Летась арганізатары ўжо праводзілі…
Гродзенец Ігар Апякун канструюе мэблю для круізных лайнераў - стварае прататыпы праз спецыяльную праграму. Ігар…