На аўкцыён ад Гродзенскага гарвыканкама выставілі чатыры ўчаткі пад рухомы гандаль. Пляцоўкі ў цэнтры горада арэндавалі гарадскія фудтракі.
Месца на паркоўцы каля плошчы Савецкай было самым папулярным на аўкцыёне ад гарвыканкаму. Паставіць там свой фудтрак планавалі адразу восем чалавек. Канчатковы кошт выйшаў 12 200 і перавысіў пачатковы ў 244 разы. Цяпер на працягу года там будзе стаяць баркас «Wake cup», дзе прадаюць каву з сабой, піша grodnoplustv.by.
-Шчыра кажучы, было цяжкавата. Гэта новы кірунак, выклікае вялікую цікаўнасць. Гэта зручна. Людзі карыстаюцца, адпаведна было шмат ахвотных. Гэта добрае месца, там добрая праходнасць. Там шмат шпацыруе людзей і недалёка ёсць пракат, вельмі прыемна, што інфраструктура ў горадзе развіваецца, — сказаў Мікіта Паляшчук, гаспадар баркаса.
Літаральна ў 50 метрах ад яго будзе стаяць гандлёвая кропка ад «MC Doner». Пакуль гэтую нямецкую франшызу можна сустрэць толькі ў ГЦ OldCity, але ў бліжэйшы час замовіць донеры і бургеры можна будзе насупраць апарт-гатэля на Калючинской, на паркоўцы побач з былой грамадскай прыбіральняй. Кошт лакацыі быў крыху большы за 8 тысяч рублёў.
Навінка для Гродна — фудтрак «Пан Картофан» — запрацуе на платнай паркоўцы на Віленскай. За гэтае месца змагаліся менш за ўсё і ў выніку яго арэндавалі амаль за 4 тысячы рублёў. Чырвоны фургон рабілі ў ЗША і Германіі, усярэдзіне яго свабодна змогуць працаваць чатыры чалавекі, так што «Пан» справядліва прэтэндуе на званне самага буйнога фудтрака горада. Там можна будзе замовіць бельгійскую бульбу-фры, піцу, хот-догі, яблыкі ў глазуры, а таксама гарачыя і халодныя напоі. Адкрыццё запланавана на пачатак траўня, піша vgr.by.
Арэнда пляцоўкі па вуліцы Вялікая Траецкая абышлася больш чым у 6 тысяч беларускіх рублёў, за яе змагалася шэсць чалавек.
Шматгадзінныя чэргі, перфаратар і два акенца на рэгістрацыю. Дзяўчына схадзіла ў Гродзенскае агенцтва па дзяржаўнай…
Прадпрыемства "Гродна Азот" 12 лютага ў Telegram-канале анансавала конкурс да Дня роднай мовы. Да самога…
Палітзняволены з Гродна Кірыл Кетурка скончыў жыццё самагубствам у Цэнтры ўтрымання пад вартай у Варшаве-Служэўцы…
Былому сенатару і дырэктару «Краснасельскбудматэрыялы» Уладзіміру Кісялёву пагражае да трох гадоў калоніі за разгалашэнне службовай…
"Малочны Мір" абавязалі змяніць назву для серыі глазураваных сыркоў. Пасля чыёсьці скаргі ў Міністэрства антыманапольнага…
На Гагарына, 25 у Гродне прадаецца двухпакаёвая кватэра з выдатна захаваным постсавецкім інтэр'ерам. Дом, у…