Viber будзе размаўляць па-беларуску. Аб’явілі пра лакалізацыю і конкурс для беларускіх ілюстратараў

Viber, адзін з вядучых сусветных дадаткаў для абмену паведамленнямі, аб’яўляе аб хуткім запуску поўнафункцыянальнай беларускай версіі папулярнага мэсэнджару. У гонар гэтага абнаўлення кампанія запускае конкурс па распрацоўцы спецыяльнага сцікерпака сярод беларускіх ілюстратараў. Пераможца атрымае званне «Афіцыйны дызайнер Viber у Беларусі» і галоўны прыз у памеры 6 тысяч беларускіх рублёў, піша novychas.by.

Конкурс для ілюстратараў «Viber па-беларуску» стартуе 17 красавіка і будзе складацца з некалькіх этапаў. Каб стаць удзельнікам, неабходна да 10 мая падаць заяўку, якая будзе ўключаць:

● апісанне канцэпцыі пака і яго назву;
● тры намаляваных каляровых сцікера.

Журы разгледзіць усе праекты ўдзельнікаў і назаве 20 лепшых, якія будуць далей змагацца за галоўны прыз. У судзействе конкурсу прымуць удзел вядомы беларускі ілюстратар Міця Післяк, 2D мастак Элеанора Ржэўская, грамадскі актывіст Антон Матолька, прадстаўнікі Viber, у тым ліку — крэатыўны дырэктар аддзела па стварэнні сцікераў Алон Барада. Фіналісты прадставяць свае работы 16 траўня ў мінскім офісе Viber.

Экспертнае журы ацэніць арыгінальнасць і крэатыўнасць, адзінства стылю і якасць малюнкаў, а таксама ўменне прадставіць публіцы ўласную канцэпцыю. У выніку журы сфарміруе шорт-ліст з 5 лепшых работ. Пераможца конкурсу будзе абраны шляхам «народнага галасавання» — апытання ў суполцы Viber Беларусь. Акрамя тытула і грашовага прыза, удзельнік, які заняў першае месца, атрымае магчымасць папрацаваць са студыяй дызайну Viber і запусціць на пляцоўцы свой уласны сцікерпак.

«Беларусь для нас асаблівы рэгіён. Viber з’яўляецца самым папулярным дадаткам для абмену паведамленнямі ў краіне. У Мінску і Брэсце знаходзяцца два нашых буйных цэнтра даследаванняў і распрацоўкі. Таму мы рады, што маем магчымасць умацаваць сувязь паміж Беларуссю і Viber», — каментуе Джамел Агаўа, генеральны дырэктар Viber.

Уся актуальная інфармацыя аб праекце «Viber па-беларуску» (навіны, анонсы і вынікі галасавання) будзе публікавацца ў афіцыйнай суполцы Viber Беларусь. Больш падрабязна з умовамі конкурсу і патрабаваннямі да стварэння сцікераў можна азнаёміцца на афіцыйным сайце Viber. Заяўкі на ўдзел прымаюцца на пошту belsticker@viber.com да 10 мая ўключна.
Падзяліцца

Апошнія запісы

У Гродне падаражэў праезд у гарадскім транспарце — і на прыгарадных маршрутах

З 5 красавіка ў Гродне талоны на праезд у гарадскім грамадскім транспарце даражэюць на 10…

4 красавіка 2025

«Інтэр'еры з Pinterest» і «цэны як у Венецыі». У Гродне адкрылі буцік-гатэль The Cult на месцы знесенага гістарычнага будынка

У Гродне на Віленскай, 37 адкрыўся новы буцік-гатэль і рэстаран The Cult - і выклікаў…

2 красавіка 2025

Гронкі кветак, люстэркі і ружовае футра. У Гродне з’явіліся вясновыя фотазоны

Пакуль сады толькі заквітнеюць, ва ўстановах і крамах Гродна падрыхтавалі вясновыя фотазоны. Часта гэта гронкі…

2 красавіка 2025

Старадаўнія падвалы ў цэнтры Гродна прыцягваюць бізнес. Калі памяшканні можна выкарыстоўваць у камерцыйных мэтах?

На Савецкай вуліцы каля 80% падвалаў задзейнічаны пад бізнес, прыводзіць статыстыку газета “Гродзенская праўда”. Пры…

1 красавіка 2025

У Гродне адкрыецца школа барыста — арганізатары хочуць, каб ва ўстановах варылі якасную каву

Уладальнікі гродзенскіх кавярань «Крепкий белый» і «Крепкий черный» запускаюць школу барыста. Летась арганізатары ўжо праводзілі…

1 красавіка 2025

Гродзенец стварыў дакладную копію Фарнага касцёла ў мініяцюры — і друкуе фігуркі на 3D-прынтары

Гродзенец Ігар Апякун канструюе мэблю для круізных лайнераў - стварае прататыпы праз спецыяльную праграму. Ігар…

31 сакавіка 2025