У чэрвені ў Гродне пройдзе гастрафэст. Прыём заявак ужо адкрыты

З 6 па 23 чэрвеня жыхары Гродна змогуць пакаштаваць сэты ўстаноў-удзельніц гастранамічнага фестывалю GASTROFEST па фіксаванай цане 19 BYN. Адно з асноўных патрабаванняў да ўстаноў - крэатыў і цікавыя, выгадныя пазіцыі страваў.

GASTROFEST — гастранамічны фестываль, на працягу якога топавыя ў сваім сегменце ўстановы прапануюць свае «візітныя карткі» — дэгустацыйныя сэты па фіксаванай цане.

Кожная ўстанова-удзельнік рыхтуе спецыяльны гастрасэт, які павінны быць цікавым і новым, гэта значыць не дубляваць стравы з асноўнага меню, і выгадным, гэта значыць цэны могуць адрознівацца на 30−50% ад сярэдніх цэнаў у горадзе на падобны набор страваў.

Склад сэта залежыць ад фантазіі шэф-кухары. Сэт можа быць на адну ці дзве персоны і можа складацца з любой колькасці страваў ці, напрыклад, толькі з закусак.

Гастрасеты можна замовіць у любой з устаноў у перыяд фестывалю. Арганізатары рэкамендуюць браніраваць столік загадзя, каб сапраўды паспрабаваць сэт.

У перыяд фестывалю дзейнічае гульнявая механіка:

• у кожнай установе ёсць пячатка з унікальным нумарам;
• за кожны набыты сэт госць атрымлівае пячатку ў спецыяльную картку (іх можна атрымаць у любой установе);
• пячаткі на картцы павінны быць унікальнымі, гэта значыць нельга, каб яны паўтараліся;
• колькасць картак абмежаваная;
• чым больш устаноў пройдзе госць і чым больш пакаштуе сэтаў, тым больш унікальных пячатак зможа сабраць.

hrodna.life/articles/vse-setyi-gastrofest-v-grodno-ot-morozhenogo-s-bekonom-golubyih-midiy/

Гасцям абяцаюць падарункі і бонусы ад генеральнага партнёра ўсёй серыі фестываляў Альфа-Банка.

Падрыхтоўка да фестывалю ўжо ідзе. Каб прыняць удзел, установам трэба пакінуць заяўку на сайце gastrofest.by.