У СВК імя Дзеншчыкова не так даўно завяршылі сяўбу збожжавых, а цяпер надышла пара для кукурузы і цукровых буракоў. Свая метэастанцыя падказвае аграрыям, калі лепш выводзіць у поле тэхніку. У мабільным дадатку ў галоўнага агранома счытваюцца такія дадзеныя, як тэмпература глебы, вільготнасць, сярэдняя колькасць ападкаў за суткі, піша «Гродзенская праўда».
Каб падрыхтаваць задзел для будучага ўраджаю, у поле з пачатку пасяўной працуюць больш за 50 механізатараў, кіроўцаў. Іх працу каардынуюць спецыялісты агранамічнай службы. Плошча цукровых буракоў складзе 660 гектараў.
У СВК імя Дзеншчыкова большасць агрэгатаў абсталявана па апошнім слове тэхнікі. За раўнамернае размеркаванне ўгнаенняў адказвае спадарожнікавая сувязь, а дакладней, элементы сістэмы дакладнага земляробства. На 15 адзінках тэхнікі ёсць сістэма навігацыі, якая дазваляе дакладна і, як следства, эканамічна ўносіць ўгнаенні ў глебу.
