У Гродне ў беларускай агучцы пакажуць фільм «Зялёная кніга», які атрымаў тры «Оскары»

Убачыць карціну ў беларускім дубляжы ад «Беларусьфільма» вы можаце з 12 па 14 красавіка ў «Чырвонай зорцы».

Па сюжэту, вытанчаны свецкі леў, багаты і таленавіты музыка наймае ў якасці кіроўцы і целаахоўніка чалавека, які менш за ўсё падыходзіць для гэтай працы. Тоні «Балбатун» — выкідала, які не ўмее трымаць рот на замку і карыстацца сталовымі прыборамі, затое ён добра працуе кулакамі. Гэта турнэ назаўжды зменіць жыццё абодвух.

Карціна распавядае рэальную гісторыю падарожжа па поўдні ЗША вядомага джазавага піяніста Дона Шырлі і звычайнага кіроўцы Тоні Валелонгі, паміж якімі з часам узнікае дружба. Галоўныя ролі выканалі Вiгго Мортэнсан, Махершала Алі і Лінда Кардаліні.

У снежні 2018 года «Зялёная кніга» ўвайшла ў спіс 10 лепшых фільмаў 2018 года, апублікаваным Амерыканскім інстытутам кінамастацтва (AFI). У студзені 2019 года фільм атрымаў галоўную ўзнагароду Гільдыі прадзюсераў Амерыкі. Фільм атрымаў тры «Залатыя глобусы» ў катэгорыях «Лепшы фільм — камедыя ці мюзікл», «Лепшая мужчынская роля другога плана» (Махершала Алі) і «Лепшы сцэнар». На цырымоніі ўручэння прэміі «Оскар» кінакарціна атрымала тры ўзнагароды ў тых жа катэгорыях, а таксама была вылучана ў намінацыях «Лепшая мужчынская роля» (Вiгго Мортэнсан) і «Лепшы мантаж».

Падзяліцца

Апошнія запісы

На могілках у Гродне з’явілася пліта расійскага салдата, які ваяваў супраць Украіны

Пліта Ведніка Леаніда Анатольевіча, які, верагодна, загінуў на вайне супраць Украіны, з'явілася ў калумбарыі на…

23 красавіка 2025

Як будзе выглядаць стогадовы дом у стылі канструктывізму на Міцкевіча пасля перабудовы: праект

Драўляны будынак у стылі канструктывізму 1930-х на Міцкевіча, 1 у Гродне перабудуюць у трохпавярховы гатэль…

23 красавіка 2025

У Гродне можна зрабіць здымак райка вока — паслуга падабаецца парам

Макраздымак райка (рус. - радужки) вока можна зрабіць у Гродне на вул. Будзённага. Закаханым прапануюць…

23 красавіка 2025

У Беларусі распрацуюць экскурсію па храмах і могілках Воранаўшчыны

У Нацыянальным агенцтве па турызме прапануюць распрацаваць экскурсію "Па святынях Воранаўшчыны". Аўтар зможа зарабіць 2820…

23 красавіка 2025

Дом быту ў Гродне прадалі на аўкцыёне з пятай спробы

Раней Дом быту на Замкавай, 4 спрабавалі прадаць ужо чатыры разы. У час аўкцыёну, які…

22 красавіка 2025

У гродзенскіх гатэлях амаль не засталося месцаў на травеньскія святы

У Threads беларус Дзяніс выказаў здзіўленне наконт таго, што ў гасцініцах і гатэлях Гродна ўсе…

22 красавіка 2025