На Кургане Славы плануюць устанавіць назіральную пляцоўку. Што адтуль можна ўбачыць

У горадзе абмяркоўваюць пытанне аб змене знешняга выгляду і функцыянальнасці Кургана Славы. Ёсць ідэя збудаваць там трох’ярусную лесвіцу, па якой можна падняцца на назіральную пляцоўку і ўбачыць горад з вышыні 18 метраў, піша «Вячэрні Гродна».

Прыкладам можа паслужыць Курган Славы пад Мінскам, дзе па лесвіцы можна падняцца на вышыню 36 метраў. Ён знаходзіцца на 21-м кіламетры трасы М2 па дарозе ў нацыянальны аэрапорт «Мінск». Пакуль гродзенскі праект знаходзіцца ў стадыі абмеркавання. Пытанне, ці патрэбныя на кургане лесвіца і назіральная пляцоўка, застаецца адкрытым. Глядзіце, якія віды адкрываюцца з вышыні і што можна ўбачыць адтуль.

Адсюль праглядаюцца частка трасы М6, праспект Янкі Купалы, новыя дамы на вуліцы Крамко (да іх па прамой каля 3,3 км), Triniti, універсам «Брэст», новыя дамы на Лідскай, шматпавярхоўкі на завулку Паповіча, новабудоўлі на Шчорса, а таксама гістарычны цэнтр з Фарным і Брыгіцкім касцёламі, стэлай у Каложскім парку, Дом сувязі і нават касцёл у Адамовічах (да яго ад кургана па прамой 9,2 км).

З боку праспекта Касманаўтаў відаць гаражы, пахавальны дом, частка могілак «Сакрэт» і «Азот».

Даведка

Курган Славы ў Гродне быў закладзены ў верасні 1968 года і адкрыты роўна праз год. У працэсе стварэння комплексу туды прывезлі зямлю з усіх раёнаў вобласці, брацкіх магіл і магіл Герояў СССР, якія былі пахаваныя на тэрыторыі вобласці.

У сярэдзіне 1970-х гадоў на тэрыторыі Кургана Славы заклалі алею герояў, а 16 ліпеня 2017 года з’явіліся маладыя дрэўцы, пасаджаных у памяць герояў-камсамольцаў, якія загінулі ў час вайны. Акрамя гэтага, тут знаходзіцца музей пад адкрытым небам, дзе можна ўбачыць узоры зброі і тэхнікі, які пастаянна папаўняецца.

Некалькі гадоў Курган Славы з’яўляецца месцам правядзення Дня Перамогі і Дня Незалежнасці. Тут праводзяць парады, мітынгі, рэканструкцыі баёў і канцэрты. А гэтай вясной тут высадзяць 21 тысячу чырвоных кветак.

Падзяліцца

Апошнія запісы

Нерухомасць тыдня: у Гродне прадаюць дом з ажурным балконам у 60 метрах ад Нёмана

У Гродне на продаж выставілі дом на 2-м Падольным завулку - па суседстве з рэстаранам…

26 красавіка 2025

Школьнікі з Гродна трапілі пад прафілактыку за «зігаванне» і нацысцкую сімволіку

Міліцыя Грjдзенскай вобласці маніторыла Інтэрнэт і занепакоілася "нацызмам" сярод школьнікаў. Яны "зігуюць", слухаюць музыку Трэцяга…

25 красавіка 2025

У Гродне правялі беларуска-польскі форум для бізнесменаў. Гаварылі пра важнасць Расіі

Дыялогавая пляцоўка для бізнесменаў з Беларусі і Польшчы прайшла ў Гродне 25 красавіка. Мясцовыя ўлады…

25 красавіка 2025

«Будзе капаць на галовы» — што гродзенцы думаюць пра новыя кветкавыя аркі на Савецкай

Гродзенцы не ацанілі новыя канструкцыі для кветак на Савецкай. У красавіку на пешаходнай вуліцы ўсталявалі…

24 красавіка 2025

Студэнта з Гродна будуць судзіць за паведамленні ў «Беларускі Гаюн»

Тры злачынствы за "экстрэмізм" распачалі супраць падлеткаў у Гродзенскай вобласці ў 2024 годзе. У тым…

24 красавіка 2025

Цэгла са слядамі пальцаў, найстарэйшая свідравіна Гродна і двор для мерапрыемстваў. Якім стане комплекс былога піўзавода Brovar Hrodna

«Такіх месцаў і ў свеце не так многа, а ў Беларусі нічога падобнага проста няма», —…

24 красавіка 2025