«Неверагодна, але факт, сябры! Гродзенскі гарвыканкам адказаў на нашу з Rasl Kulevich петыцыю аб пераносе бюста тав. Чапаева з вуліцы ў музей… станоўча. Такім чынам, Васілiй Іванавіч не павінен вярнуцца на свой гродзенскі п’едэстал, а павінен заняць месца ў музеi,» - паведаміў на асабістай старонцы ў фэйсбуку блогер-краязнаўца Яўген Аснарэўскі 31 сакавіка. З афіцыйнага адказу на зварот гродзенцаў выцякае, што пытанне было разгледжана па паседжанні экспертнай рады па манументальнаму і манументальна-дэкаратыўнаму мастацтву. Вынікам разгляду стала рэкамендацыя перанесці бюст у музей. А вось ўсталяваць узамен Чапаева бюст беларускага паэта Міхася Васілька «у бліжэйшы час не плануецца».
Бюст героя Грамадзянскай вайны быў усталяваны ў Гродне ў 60-х гадах. Сёлета ў лютым яго знялі з п’едэстала на рэканструкцыю. Паведамлялася, што аднаўленне помніка прымеркавана да 75-годдзя Гродзенскай вобласці.
Жыхары горада актыўна абмяркоўвалі лёс помніка Чапаеву і магчымыя яму альтэрнатывы. Адна з прапаноў тычылася магчымасці замяніць Чапаева на Міхася Васілька, імя каторая носіц бліжэйшая вуліца.
hrodna.life/2019/02/22/vasilyok-zamest-chapaeva/
Вядома, сам Чапаеў ніколі не быў ні ў Гродне, ні ў Беларусі. Па адной з версій, якую распавядаў краязнаўца Віктар Саяпін, бюст Чапаева трапіў у Гродна выпадкова: яго перадалі «у нагрузку»разам з будаўнічымі матэрыяламі з украінскага камбіната.
У савецкі час была ў Гродне і вуліца Чапаева, але ў 1994 годзе з набыццём незалежнасці Беларусі, яе перайменавалі ў гонар беларускага паэта Міхася Васілька, які жыў на ёй. Помнік Чапаеву пры тым застаўся на месцы.
