Як аб’яднаць спорт і IТ распавялі гродзенцам у ПВТ

Кацярына Буча і Вадзім Пабярэжны — трэнеры і псіхолагі. На сустрэчы стартап-школы 28 сакавіка яны распавялі, як выкарыстоўваюць камп’ютарныя тэхналогіі, віртуальную і дапоўненую рэальнасць у сваёй працы. Сустрэчы стартап-школы праходзяць пры падтрымцы агенцтва ЗША па міжнародным развіцці, таму ўдзельніцай сустрэчы стала таксама часова павераная ў справах ЗША ў Беларусі Джэніфер Мур, якая ў гэты дзень была ў Гродне з рабочым візітам.

«Я вельмі рада таму, наколькі сфера IT блізкая людзям, якія тут жывуць. І я жадаю вам, каб вы думалі вялікімі катэгорыямі, вялікімі марамі. Я жадаю вам упартай працы і каб вы ніколі не пераставалі задаваць пытанне пра тое, што ж яшчэ можна палепшыць у нашым жыцці», — казала Джэніфер Мур.


Развіваць турызм і дапамагаць бежанцам. Асноўнае пра візіт Паверанай ў справах ЗША ў Беларусі ў Гродна


Кацярына Буча і Вадзім Пабярэжны распавялі пра тое, як выкарыстоўваюць тэхналогіі дапоўненай рэальнасці ў сваім праекце спартыўна-псіхалагічнай падрыхтоўкі спартсменаў «Выхавай чэмпіёна». Аналагаў праекта, па словах аўтараў, у Беларусі няма.

Псіхолаг і трэнер Сяргей Міхальчык распавёў аб дадатку па сканаванні твару «Відкор-М». Дадатак атрымлівае дадзеныя аб асіметрыі мозгу і можа зрабіць поўны аналіз чалавека, яго якасцяў і здольнасцяў.

Кацярына Буча лічыць, што сучасныя лічбавыя тэхналогіі дазваляюць распрацаваць новыя метады і прылады працы, якія потым знойдуць прымяненне не толькі ў спорце, але і ў бізнесе.

«Я не звычайны спартыўны псіхолаг. Ён дапамагае наладзіцца на спаборніцтвы, працаваць са сваімі страхамі, сваім станам, спраўляцца з мандражом, напрыклад, перадстартавым. Агулам ён дыягнастуе стан. Але я трохі іншымі рэчамі займаюся. У мяне праходзяць менавіта ментальная падрыхтоўка, я працую з мозгам».

Падзяліцца
Меткі: тэхналогіі

Апошнія запісы

У Гродне падаражэў праезд у гарадскім транспарце — і на прыгарадных маршрутах

З 5 красавіка ў Гродне талоны на праезд у гарадскім грамадскім транспарце даражэюць на 10…

4 красавіка 2025

«Інтэр'еры з Pinterest» і «цэны як у Венецыі». У Гродне адкрылі буцік-гатэль The Cult на месцы знесенага гістарычнага будынка

У Гродне на Віленскай, 37 адкрыўся новы буцік-гатэль і рэстаран The Cult - і выклікаў…

2 красавіка 2025

Гронкі кветак, люстэркі і ружовае футра. У Гродне з’явіліся вясновыя фотазоны

Пакуль сады толькі заквітнеюць, ва ўстановах і крамах Гродна падрыхтавалі вясновыя фотазоны. Часта гэта гронкі…

2 красавіка 2025

Старадаўнія падвалы ў цэнтры Гродна прыцягваюць бізнес. Калі памяшканні можна выкарыстоўваць у камерцыйных мэтах?

На Савецкай вуліцы каля 80% падвалаў задзейнічаны пад бізнес, прыводзіць статыстыку газета “Гродзенская праўда”. Пры…

1 красавіка 2025

У Гродне адкрыецца школа барыста — арганізатары хочуць, каб ва ўстановах варылі якасную каву

Уладальнікі гродзенскіх кавярань «Крепкий белый» і «Крепкий черный» запускаюць школу барыста. Летась арганізатары ўжо праводзілі…

1 красавіка 2025

Гродзенец стварыў дакладную копію Фарнага касцёла ў мініяцюры — і друкуе фігуркі на 3D-прынтары

Гродзенец Ігар Апякун канструюе мэблю для круізных лайнераў - стварае прататыпы праз спецыяльную праграму. Ігар…

31 сакавіка 2025