Навіны

«Была лідэрам». Што кажуць пра дзяўчыну, якая выпала з вакна ў Гродне

Прадстаўнікі праваахоўных структур працягваюць аднаўляць поўную карціну рэзананснага няшчаснага выпадку, які адбыўся ў мінулыя выхадныя ў Гродне. Нагадаем, у ноч з суботы на нядзелю з акна 8 паверха інтэрната аднаго з устаноў адукацыі Гродна выпала дзяўчына, піша «Гродзенская праўда».

— Пасля трагедыі ў Стоўбцах псіхолагі усіх устаноў адукацыі вобласці праводзілі дадатковыя тэставанні і аналізавалі псіхалагічны стан навучэнцаў, — растлумачылі ў галоўным упраўленні адукацыі аблвыканкама. — Загінулая дзяўчына ў іх поле зроку ніколі не трапляла і ў каледжы была калектыўным лідэрам. Актыўнасць выяўляла не толькі ў навучальным працэсе, але і ў грамадскай дзейнасці.

Высновы ў абставінах здарэння будуць рабіць прадстаўнікі праваахоўных структур. Цяпер па факце здарэння працуюць супрацоўнікі Гродзенскага міжраённага аддзела Следчага камітэта.

Прадказаць трагедыю вельмі складана, аднак стварыць умовы для ўдасканалення эфектыўнага механізму па недапушчэнні падобнага неабходна. Асабліва, што тычыцца дакладнай арганізаванай дзейнасці сацыяльна-педагагічнай і псіхалагічнай службаў ва ўстановах адукацыі. Праца сацыяльных педагогаў, псіхолагаў ва ўстановах адукацыі будзе акцэнтаваная на трагедыю, адпрацоўку і аналіз менавіта псіхалагічнага стану і накіравана на недапушчэнне паўтарэння трагедыі, якая здарылася.

— У красавіку па ўсёй Гродзеншчыне сумесна з супрацоўнікамі абласнога клінічнага цэнтра «Псіхіятрыя-Наркалогія» і прадстаўнікамі галоўнага ўпраўлення аховы здароўя вобласці правядзем семінары для класных кіраўнікоў і работнікаў сацыяльна-педагагічных і псіхалагічных службаў усіх устаноў адукацыі вобласці, — распавяла начальнік аддзела галоўнага ўпраўлення адукацыі аблвыканкама Таццяна Асмалоўская.

Пройдуць такія семінары ў Гродне, Лідзе, Слоніме, Ашмянах і Дзятлаве, дзяліцца вопытам з педагогамі падчас іх будуць у тым ліку практыкуючыя медыкі, якія ў паўсядзённай практыцы сутыкаюцца з самымі рознымі выпадкамі псіхалагічнай уразлівасці.

Падзяліцца
Меткі: праблема

Апошнія запісы

У святкаванні Дня перамогі задзейнічаюць жывёлін. Удзельнічае і каза з Гродзенскага заапарка

У акцыях на 9 траўня, прысвечаных святкаванню 80-годдзя перамогі, вырашылі задзейнічаць жывёл. Сабаку па мянушцы…

9 мая 2025

Аркі на Савецкай ужо ўпрыгожылі кветкамі - гараджане параўноўваюць вуліцу з «маленькай Галандыяй»

Супрацоўнікі "Гродназелянбуда" ўжо ўпрыгожваюць аркі на Савецкай кветкамі. У сацсетках з'яўляецца ўсё больш відэа з…

9 мая 2025

Над гродзенскім піўзаводам устанавілі флюгер з сімвалічнай датай. Яго аўтар — знакаміты каваль

У траўні на даху комплексу «Бровар Гродна» з'явіўся флюгер. Пры рэстаўрацыі гродзенскага піўзавода інвестару было…

9 мая 2025

Гродзенец знайшоў рэдкія здымкі горада часоў Першай сусветнай вайны

Гродзенскі краязнаўца Аляксандр Перагудаў знайшоў у расійскіх фондах шэраг малавядомых здымкаў Гродна часоў Першай сусветнай…

8 мая 2025

Праўладны Telegram-канал сцвярджае, што ў Гродне няма праблем з бульбай. Гараджане абурыліся

У траўні беларусы сталі актыўна абмяркоўваць знікненне бульбы з паліц у крамах. Звярнулі ўвагу і…

7 мая 2025

У Беларусі скарачаецца насельніцтва, у Гродне і Лідзе — расце

Гарадское і сельскае насельніцтва Беларусі скарачаецца. Згодна з Белстатам, у Гродне і Лідзе сітуацыя выглядае…

7 мая 2025