Незавершаны «Санет» Юрыя Якавенкі прэзентавалі ў галерэі «У Майстра»

У галерэі кажуць, што выстава медытацыйная — і для гледача, і для мастака. Гэтыя працы далі Якавенку магчымасць паэксперыментаваць з фактурамі і прадставіць у працах чысціню і простасць. Акрамя афортаў - гатовых працаў, прадстаўлены і матрыцы — першакрыніцы, з якіх рабілі друк.

«Санет» — гэта паэтычныая форма, якая ўключае 14 радкоў. Мастак кажа, што яго санет незавершаны, таму ўключае 13 гравюр за розныя годы працы. Паколькі гравюры ўжо былі прадстаўленыя раней, майстар вырашыў прадэманстраваць і першакрыніцы — матрыцы з цынку. На іх дадалі фарбу, якая робіць іх прыгажэйшымі і выконвае абарончую функцыю.

Юрый расказвае, што прывык насычаць працы дэталямі і рабіць з іх хаос. А часам хочацца чысціні, яснасці, простасці. «І каб у прастаце была паэзія, нешматслоўе. А стамляешся ад простасці - зноў хочацца размаўляць доўгімі сказамі». Таму пры стварэнні Юрый натхняўся японскімі гравюрамі.

— Я ў прынцыпе люблю японскую гравюру — сярэднявечную і сучасную, — расказвае Юрый. — Яны адрозніваюцца ад еўрапейскай графікі - гэта і цудоўнае тэхнічнае майстэрства, і ўнутраны стан. Яны настолькі лаканічныя, вельмі ясна падаюць сваю ідэю. Гэта можа быць адна морква, качан капусты — але ён падаецца як цэлы космас. Ён настолькі фантастычны, ты пагружаешся ў спіраль, лісце, вянкі. Гэта пачуццё космасу, яснасці, формы, яе падачы — настолькі зачароўвае.

Юрый кажа, што важна, каб і самі пласціны былі прыгожымі. Бо часам на іх робяць такую фактуру, якая выглядае непрыгожа, а на друку дае выдатны эфект. На выставе сабралі менавіта тыя пласціны, якія добра выглядаюць самі па сабе. Супрацоўнікі галерэі падкрэсліваюць, што працы можна разглядаць асобна, але і разам яны складаюць суцэльны твор. А чаргаванне круга і ромба на сценах падобнае да вершаванага рытму.

На выставе прадэманстравалі і папку з 13 працаў, якую можна набыць. Іх надрукаваў Аляксандр Ашурка. Тыраж — 30 экзэмпляраў. «Чым менш, тым унікальней. І даражэй, — жартуе аўтар. І інструктуе, каб пры праглядзе ўсе апраналі спецыяльныя пальчаткі. — Лічыце, што вы яе ўжо купілі і глядзіце пяшчотна».

Выстава працягнецца да 28 сакавіка.

Даведка

Юрый Якавенка — мастак-гравер, ганаровы грамадзянін Гродна. Вядомы і папулярны ў Беларусі і за мяжой. Стаў дзясятым беларускім мастаком, які атрымаў званне ганаровага члена Расійскай акадэміі мастацтваў. Уладальнік дзясяткаў міжнародных узнагарод.

Падзяліцца

Апошнія запісы

Назву гурта Dzieciuki і яго сацсеткі прызналі «экстрэмісцкімі». Падобна, што «экстрэмісцкай» стала і першая беларускамоўная газета

Сацсеткі панк-гурта з Гродна Dzieciukі і сам гэты надпіс у Беларусі прызналі "экстрэмісцкімі матэрыяламі". Паводле фармулёўкі…

27 красавіка 2025

Нерухомасць тыдня: у Гродне прадаюць дом з ажурным балконам у 60 метрах ад Нёмана

У Гродне на продаж выставілі дом на 2-м Падольным завулку - па суседстве з рэстаранам…

26 красавіка 2025

Школьнікі з Гродна трапілі пад прафілактыку за «зігаванне» і нацысцкую сімволіку

Міліцыя Грjдзенскай вобласці маніторыла Інтэрнэт і занепакоілася "нацызмам" сярод школьнікаў. Яны "зігуюць", слухаюць музыку Трэцяга…

25 красавіка 2025

У Гродне правялі беларуска-польскі форум для бізнесменаў. Гаварылі пра важнасць Расіі

Дыялогавая пляцоўка для бізнесменаў з Беларусі і Польшчы прайшла ў Гродне 25 красавіка. Мясцовыя ўлады…

25 красавіка 2025

«Будзе капаць на галовы» — што гродзенцы думаюць пра новыя кветкавыя аркі на Савецкай

Гродзенцы не ацанілі новыя канструкцыі для кветак на Савецкай. У красавіку на пешаходнай вуліцы ўсталявалі…

24 красавіка 2025

Студэнта з Гродна будуць судзіць за паведамленні ў «Беларускі Гаюн»

Тры злачынствы за "экстрэмізм" распачалі супраць падлеткаў у Гродзенскай вобласці ў 2024 годзе. У тым…

24 красавіка 2025