Указам Прэзідэнта Рэспублікі Беларусь № 90 ад 25 лютага 2019 года галоўнаму рэжысёру Заслужанага калектыву Рэспублікі Беларусь «Гродзенскі абласны тэатр лялек» Алегу Алегавічу Жугждзе прысвоілі званне Заслужанага дзеяча мастацтваў Рэспублікі Беларусь.

Скончыўшы Беларускі дзяржаўны тэатральна-мастацкі інстытут па спецыяльнасці «Актор тэатра лялек», як рэжысёр Алег Жугжда дэбютаваў у 1986 годзе са спектаклем «Маленькі прынц» па А. дэ Сэнт-Экзюперы, які атрымаў прыз ЦК ЛКСМБ «За творчы дэбют» на 4-м фестывалі тэатраў лялек Беларусі ў Гродне.

Галоўнаму рэжысёру Тэатра лялек прысвоілі Заслужанага дзеяча мастацтваў

У 1990 годзе скончыў Ленінградскі дзяржаўны інстытут тэатра, музыкі і кінематаграфіі ім. H. Чаркасава па спецыяльнасці «Рэжысура тэатра лялек».

Галоўнаму рэжысёру Тэатра лялек прысвоілі Заслужанага дзеяча мастацтваў
А.Жугжда на рэпетыцыі «Камедыі Юдыфі»
У 1988−1990, 1992−1997 узначальваў Магілёўскі абласны тэатр лялек у якасці галоўнага рэжысёра, у 1997−1999 працаваў мастацкім кіраўніком — дырэктарам тэатра. У 1990−1992 годзе працаваў галоўным рэжысёрам Брэсцкага абласнога тэатра лялек. У 2000 г. Алег Жугжда пераехаў у Гродна і з 2003 года стаў галоўным рэжысёрам Гродзенскага абласнога тэатра лялек.

Галоўнаму рэжысёру Тэатра лялек прысвоілі Заслужанага дзеяча мастацтваў

Спектаклі Жугжды з поспехам ідуць у тэатрах Беларусі, Расіі, Украіны, Балгарыі, Літвы, Польшчы, Славакіі. Спектаклі, пастаўленыя ім, адзначаліся дыпломамі «За лепшую рэжысёрскую працу» і прызамі на міжнародных фестывалях у Беларусі, Расіі, Польшчы, Украіне, Літве, Югаславіі, Венгрыі, Германіі. Асаблівую папулярнасць на міжнародных фестывалях Гродзенскаму тэатру лялек прынеслі такія спектаклі Алега Жугжды, як «Трагедыя аб Макбеце», «Пікавая дама», «Фаўст. Сны», «Дэман», «Чеховъ. Чайка», «Камедыя Юдыф»,"Пазалочаныя ілбы" і г. д.

Галоўнаму рэжысёру Тэатра лялек прысвоілі Заслужанага дзеяча мастацтваў

Галоўнаму рэжысёру Тэатра лялек прысвоілі Заслужанага дзеяча мастацтваў