З 2020 года рэгістрацыя на ЦТ спросцяць, а на завочку будуць браць толькі са стажам працы па профілі

У Беларусі з 2020 года плануецца спрасціць працэдуру рэгістрацыі для ўдзелу ў цэнтралізаваным тэставанні, паведаміў міністр адукацыі Ігар Карпенка падчас працоўнай сустрэчы дэпутатаў Палаты прадстаўнікоў з кіраўніцтвам Міністэрства адукацыі, піша БелТА.

«З 2020 года плануецца, што пры рэгістрацыі для ўдзелу ў цэнтралізаваным тэставанні дакументы змогуць падаваць прадстаўнікі абітурыента. Акрамя гэтага, можна будзе замест арыгінала падаваць копію дакумента, які сведчыць асобу», — сказаў ён.

Парадак арганізацыі і правядзення цэнтралізаванага тэставання застанецца ранейшым.

«Змянілі толькі сістэму падліку балаў. Раней вызначаўся рэйтынг абітурыента сярод усіх, хто прайшоў тэставанне. Цяпер можна вызначыць і рэйтынг, і супаставіць балы ЦТ з выніковымі адзнакамі ў школе. Працэдура апрацоўкі вынікаў ЦТ стане больш адкрытай і празрыстай. Абітурыенты на аснове размешчанай у адкрытым доступе інфармацыі аб першасных балах змогуць прагназаваць свой вынік «, — канстатаваў міністр.

Яшчэ адно новаўвядзенне — на завочную бюджэтную форму навучання на падставе агульнай сярэдняй адукацыі змогуць паступаць толькі тыя, хто будзе мець на той момант стаж працы па профілі не менш за 10 месяцаў. Калі гэта мужчыны, то таксама да гэтага яны павінны прайсці тэрміновую ваенную службу.

Выпускнікам профільных аграрных класаў будзе дадзена права без уступных іспытаў на ўмовах мэтавай падрыхтоўкі паступаць у ВНУ на сельскагаспадарчыя спецыяльнасці.

Для абітурыентаў, якія прэтэндуюць на спецыяльнасці, што патрабуюць асаблівых кіраўнічых і практычных навыкаў, плануюць праводзіць дадатковыя уступныя іспыты ў ВНУ. Акрамя гэтага, мэтавая падрыхтоўка па найбольш запатрабаваных эканомікай спецыяльнасцях будзе распаўсюджвацца на арганізацыі па-за залежнасці ад месца іх знаходжання.

Падзяліцца

Апошнія запісы

У Гродне правялі беларуска-польскі форум для бізнесменаў. Гаварылі пра важнасць Расіі

Дыялогавая пляцоўка для бізнесменаў з Беларусі і Польшчы прайшла ў Гродне 25 красавіка. Мясцовыя ўлады…

25 красавіка 2025

«Будзе капаць на галовы» — што гродзенцы думаюць пра новыя кветкавыя аркі на Савецкай

Гродзенцы не ацанілі новыя канструкцыі для кветак на Савецкай. У красавіку на пешаходнай вуліцы ўсталявалі…

24 красавіка 2025

Студэнта з Гродна будуць судзіць за паведамленні ў «Беларускі Гаюн»

Тры злачынствы за "экстрэмізм" распачалі супраць падлеткаў у Гродзенскай вобласці ў 2024 годзе. У тым…

24 красавіка 2025

Цэгла са слядамі пальцаў, найстарэйшая свідравіна Гродна і двор для мерапрыемстваў. Якім стане комплекс былога піўзавода Brovar Hrodna

«Такіх месцаў і ў свеце не так многа, а ў Беларусі нічога падобнага проста няма», —…

24 красавіка 2025

На могілках у Гродне з’явілася пліта расійскага салдата, які ваяваў супраць Украіны

Пліта Ведніка Леаніда Анатольевіча, які, верагодна, загінуў на вайне супраць Украіны, з'явілася ў калумбарыі на…

23 красавіка 2025

Як будзе выглядаць стогадовы дом у стылі канструктывізму на Міцкевіча пасля перабудовы: праект

Драўляны будынак у стылі канструктывізму 1930-х на Міцкевіча, 1 у Гродне перабудуюць у трохпавярховы гатэль…

23 красавіка 2025