У Гродзенскай вобласці працягваюцца рэстаўрацыйныя і рамонтныя работы на значных аб’ектах гісторыка-культурнай спадчыны. У цэнтры ўвагі - Стары замак у Гродне, паведаміла БЕЛТА начальнік упраўлення культуры Гродзенскага аблвыканкама Алена Клімовіч.
Рэканструкцыя аднаго з найстарэйшых замкаў Беларусі пачалася ў 2017 годзе. У цяперашні час будаўнічыя работы вядуцца на ўязной вежы, прыгоннай сцяне, галерэі, якая злучае вежы, іншых унутраных аб’ектах. Акрамя таго, спецыялісты інстытута «Гроднаграмадзянпраект» рыхтуюць прапановы па афармленні інтэр'ераў замка.
— Гэта драўляныя, каменныя і шкляныя элементы дэкору, у некаторых памяшканнях прадугледжана роспіс па сценах і столі. У прапрацоўцы замкавыя каміны, праектуецца музейная мэбля, — распавяла Алена Клімовіч.
У бліжэйшы час будзе канчаткова вырашана пытанне па форме купала на ўязной вежы. У цэлым на рэканструкцыю першай чаргі Старога замка з абласнога і рэспубліканскага бюджэту у 2019 годзе выдзелена каля Br2,5 млн.
Што да іншых помнікаў архітэктуры ў рэгіёне, у гэтым годзе плануецца завяршыць рэканструкцыю на Паўночнай вежы Гальшанскага замка. Тут размесціцца музейная экспазіцыя, якая пазнаёміць з артэфактамі, знойдзенымі падчас археалагічных раскопак, раскажа аб уладальніках замка — родзе Сапегаў, а таксама гісторыі саміх Гальшан.
Часовая музейная экспазіцыя з’явіцца ў гэтым годзе і ў палацава-паркавым комплексе Свяцк ў Гродзенскім раёне. Плануецца, што ў левым флігелі палаца будуць прадстаўлены прадметы, дакументы і фатаграфіі, якія распавядаюць пра гісторыю комплексу.
— Да верасня плануецца выканаць рэстаўрацыйныя работы звонку палаца і завяршыць добраўпарадкаванне комплексу, што дазволіць уключыць аб’ект у турыстычныя праграмы, дадаць яшчэ адно цікавае для наведванняў месца ў ваколіцах Аўгустоўскага канала, — адзначыла Алена Клімовіч.
Завяршаюцца работы на ўязной вежы замка ў Лідзе. Памяшканні ў вежы стануць інтэрактыўным музеем з майстэрнямі ганчара і каваля. Госці змогуць пазнаёміцца з кухняй і побытам насельнікаў замка. Знакавай падзеяй для горада стане адкрыццё помніка князю Гедыміну.
У Навагрудку плануецца ўмацаваць схіл Замкавай гары, цяпер завяршаецца падрыхтоўка праектнай дакументацыі.
Гіды і экскурсаводы ў Беларусі цяпер павінны ведаць асновы дзяржаўнай ідэалогіі. Такое патрабаванне з'явілася ў…
Айцец Андрэй Крот з Гродна быў у дэлегацыі беларускіх святароў, якая сустрэлася з новым пантыфікам.…
Фатаграфія кабінкі для перапранання на пляжы ў Ласосна патрапіла ў рэдакцыю Hrodna.life. Драўляныя балкі ў…
Псіхолага і дырэктарку ліквідаванага Гродзенскага дзіцячага хоспісу Вольгу Вялічку выключылі са спісу дэлегатаў Каардынацыйнай Рады…
Мужчына вяртае ў гняздо буслам птушаня, якое выпала, - такое відэа ў апошні тыдзень набірае…
Гарадскі выпускны пройдзе 13 чэрвеня на Савецкай плошчы. Запланавана ўрачыстае шэсце і выступленні беларускіх артыстаў.…