На Ажэшкі з 10 лютага ў тэставым рэжыме пачало працу кафэ «Дранікі». Асноўнымі стравамі там з’яўляюцца беларускія дранікі, пяльмені, а ў якасці дэсерту бельгійскія вафлі з рознымі топінгамі і марозіва ўласнай вытворчасці. Акрамя гэтага ў кафэ прапануюць вялікі выбар гарачых, алкагольных і безалкагольных напояў.
Работы па ўладкаванні новага кафэ ў будынку пачатку XX стагоддзя на вуліцы Ажэшкі пачаліся яшчэ ўлетку 2018 года. Уладальнік пастараўся захаваць стыль і атмасферу дома. Інтэр'ер выкананы ў простых прыемных танах, якія выдатна суадносяцца з арыгінальнымі цаглянымі сценамі і незвычайна аформленымі столямі. У кафэ каля 20 пасадачных месцаў. Установа размешчана недалёка ад чыгуначнага вакзалу і ў крокавай даступнасці ад галоўных турыстычных месцаў горада.
«Мы будзем прадаваць традыцыйную беларускую кухню, — распавядае загадчыца кафэ Таццяна Кульбей. — Асноўны ўпор робім на дранікі, паспрабуем іх зрабіць найлепшымі ў горадзе. Гатуем іх па нашых сакрэтных тэхналогіях, як звычайныя, так і з курыцай і ялавічынай. Іх асаблівасць у тым, што ўсе стравы падаюцца з жару — будзем гатаваць для кожнага кліента, а не проста разаграваць. Акрамя гэтага мы можам прапанаваць пяльмені ручной лепкі, шэсць відаў уласнай вытворчасці марожанага і бельгійскія вафлі.
Таксама ў кафэ ёсць вялікі выбар розных напояў, у тым ліку і алкаголю, асноўным з’яўляецца беларуская крамбамбуля. У будучыні ва ўстанове з’явяцца сняданкі і новыя стравы.
Адрас: Ажэшкі, 35а
Час працы:
ПН-ЧЦ — 11:00 — 23:00
ПТ-НД — 11:00 — 01:00
Пакуль сады толькі заквітнеюць, ва ўстановах і крамах Гродна падрыхтавалі вясновыя фотазоны. Часта гэта гронкі…
На Савецкай вуліцы каля 80% падвалаў задзейнічаны пад бізнес, прыводзіць статыстыку газета “Гродзенская праўда”. Пры…
Уладальнікі гродзенскіх кавярань «Крепкий белый» і «Крепкий черный» запускаюць школу барыста. Летась арганізатары ўжо праводзілі…
Гродзенец Ігар Апякун канструюе мэблю для круізных лайнераў - стварае прататыпы праз спецыяльную праграму. Ігар…
Кніга «Удивительный Гродно» Яўгена Аснарэўскага выйшла ў мінскім выдавецтве «Рыфтур». Даведнік разлічаны і на турыстаў,…
Як мінімум дзве гродзенскія кавярні, My Lover Berry і «Крепкий белый», вырашылі апрабаваць новы фармат…