Горад

Ажывіць набярэжную, прыдумаць брэнд, зрабіць прыгажэйшым гандаль: улады Гродна пра тое, як прыцягнуць больш турыстаў

Ці стане набярэжная Юзафа Ядкоўскага гродзенскім Брадвеем, як зменіцца Советская вуліца і якія святы могуць стаць брэндам горада — што трэба зрабіць, каб замежнікі прыязджалі да нас яшчэ раз, абмеркавалі на савеце па турызме ў гарвыканкаме, піша vgr.by.

На «бязвізе» зарабілі больш за 3 млн долараў

У Гродне працуе 13 гасцініц і чатыры хостэлы, дзе могуць размясціцца больш за 900 чалавек, 400 ложка-месцаў ёсць у санаторыях. За мінулы год у гасцініцах спынялася амаль 66 тысяч чалавек, яшчэ 9 тысяч гасцей — у санаторыях. Аднак гасцініц усё адно не хапае, паведаміў начальнік аддзела спорту і турызму гарвыканкама Яўген Ародзь.

У гэтым годзе адкрыюцца дзве гасцініцы і тры хостэлы агульнай умяшчальнасцю 126 ложка-месцаў. У 2020 годзе запланавана здача буйных гатэляў «Беларусь» і Echeng (былая гасцініца «Гродна»).

На турызме горад зарабіў 3,2 млн долараў. Гэта на 500 тысяч долараў больш, чым за 2017 год. Такія дадзеныя атрымалі ад 53 арганізацый.

Куды падзець «Чаркізон» з Савецкай

Намесніца старшыні гарвыканкама Зоя Кулеша лічыць, што ў горадзе не хапае «фішак» і яркіх мерапрыемстваў, на якія маглі б імкнуцца патрапіць турысты. Як прыклад яна прывяла кірмаш «Казюкі» ў Вільні, які стаў візітнай карткай літоўскай сталіцы.

— Ёсць бытавыя рэчы, без якіх немагчыма ўявіць сучасны горад: кафэ, пункты абмену валют, прыбіральні, Wi-Fi, — кажа Зоя Кулеша. — Але нам трэба мерапрыемства, якое павінна стаць брэндам горада. Не хапае навізны, інакш турысты не паедуць да нас другі раз.

Даўно абмяркоўваецца выгляд намётаў рамеснікаў на Савецкай вуліцы «а-ля Чаркізаўскі рынак». Зоя Кулеша даручыла разгледзець варыянты акуратных кіёскаў для народных умельцаў.

Успомніўся прыклад вулічнага гандлю ў Парыжы, дзе на набярэжнай Сены стаяць зялёныя кіёскі-трансформеры. Гандлёвая кропка раскладваецца за некалькі хвілін, а ў завяршэнне дня рамеснікі і мастакі пад замком пакідаюць там свае працы.

Набярэжную на Нёмане ператвораць у Брадвей

За час існавання рачнога таксі па Нёмане пракацілася больш за 6000 чалавек, але рака і ўзбярэжжа задзейнічаны недастаткова. На думку Зоі Кулешы, летам на набярэжных ў цэнтры можна праводзіць розныя мерапрыемствы — выступленні артыстаў, выставы-продажы карцін.

Трэба вярнуць ретрацягнік да Парэчча

Дырэктары турфірмаў просяць улады як мага раней публікаваць каляндар мерапрыемстваў, бо для арганізацыі тура ім трэба ведаць дакладную дату свята за год да яго правядзення.

«Сутыкнуліся з праблемай, што турыстаў няма чым здзіўляць. На міжнародных выставах нас пытаюцца, што новага будзе ў горадзе ў гэтым годзе, але мы не ведаем, што адказаць. Майстар-класы нецікавыя, турысты любяць дэгустацыі і прэзентацыі. Аграсядзібы нічога такога не прапануюць. Было б выдатна вярнуць ретрацягнік у Парэчча, гэта стала б навінкай», — казалі дырэктары турфірм.

Сяргей Каляда лічыць, што аграрны ўніверсітэт можа больш эфектыўна выкарыстоўваць адзін з карпусоў, дзе знаходзілася каралеўская рэзідэнцыя Станіславова, сцены якой памятаюць важныя гістарычныя падзеі. Не варта забываць пра палац у Панямуні.

Даведка

За 2018 год у Гродна пабывала больш за 92 000 бязвізавых турыстаў, а гэта амаль у два разы больш, чым за 2017 год. У лідарах застаюцца літоўцы і палякі, але апошнім часам павялічылася колькасць немцаў. Каля 40% турыстаў падарожнічаюць у арганізаваных групах.

Падзяліцца

Апошнія запісы

У Гродне падаражэў праезд у гарадскім транспарце — і на прыгарадных маршрутах

З 5 красавіка ў Гродне талоны на праезд у гарадскім грамадскім транспарце даражэюць на 10…

4 красавіка 2025

«Інтэр'еры з Pinterest» і «цэны як у Венецыі». У Гродне адкрылі буцік-гатэль The Cult на месцы знесенага гістарычнага будынка

У Гродне на Віленскай, 37 адкрыўся новы буцік-гатэль і рэстаран The Cult - і выклікаў…

2 красавіка 2025

Гронкі кветак, люстэркі і ружовае футра. У Гродне з’явіліся вясновыя фотазоны

Пакуль сады толькі заквітнеюць, ва ўстановах і крамах Гродна падрыхтавалі вясновыя фотазоны. Часта гэта гронкі…

2 красавіка 2025

Старадаўнія падвалы ў цэнтры Гродна прыцягваюць бізнес. Калі памяшканні можна выкарыстоўваць у камерцыйных мэтах?

На Савецкай вуліцы каля 80% падвалаў задзейнічаны пад бізнес, прыводзіць статыстыку газета “Гродзенская праўда”. Пры…

1 красавіка 2025

У Гродне адкрыецца школа барыста — арганізатары хочуць, каб ва ўстановах варылі якасную каву

Уладальнікі гродзенскіх кавярань «Крепкий белый» і «Крепкий черный» запускаюць школу барыста. Летась арганізатары ўжо праводзілі…

1 красавіка 2025

Гродзенец стварыў дакладную копію Фарнага касцёла ў мініяцюры — і друкуе фігуркі на 3D-прынтары

Гродзенец Ігар Апякун канструюе мэблю для круізных лайнераў - стварае прататыпы праз спецыяльную праграму. Ігар…

31 сакавіка 2025