Горад

Пасол Літвы расказаў, чым новае консульства ў Гродне будзе лепш старога

У Гродне 7 лютага пры ўдзеле пасла Літвы ў Беларусі Андруса Пулокаса заклалі памятную капсулу ў фундамент будынка новага консульства ў Гродне.

Будаўніцтва генеральнага консульства Літвы ў Гродне пачалося ў канцы кастрычніка 2018 года. Аб’ект плануюць здаць у лютым 2020 года.

«За год мы плануем пабудаваць будынак і пачаць туды перасяляцца, — распавядае Андрус Пулокас. — Гэта будзе будынак консульства з усімі адпаведнымі функцыямі. Самая важная гэта візавая функцыя. Мы створым новыя ўмовы для людзей. Гэта будзе непараўнальна лепш за тыя ўмовы, якія мы зараз маем. Гэты аб’ект мы даўно планавалі. Дзякуючы новаму будынку наша праца стане больш хуткай і больш эфектыўнай».

Акрамя консульскага аддзелу ў новым будынку будуць памяшканні для культурных і грамадскіх мерапрыемстваў. Дыпламат не сумняваецца, што новы аб’ект добра ўпішацца ў архітэктурны ансамбль старога горада.

Пасол таксама адзначыў таваразварот Беларусі з Літвой і літоўскія інвестыцыі ў рэгіёне. Сёння ў Гродзенскай вобласці працуюць 126 арганізацый з літоўскім капіталам.

«Паводле нашых дадзеных за 2017 год у нас з Беларуссю рэкордны тавараабарот — амаль за 1,8 млрд еўра. У гэтым годзе, я думаю, мы дасягнем і 2 млрд. Быў у нас і рэкорд па візах. Гродна і Мінск за 2018 год выдалі каля 250 тысяч віз, гэта рост на 3−4% у параўнанні з 2017 годам.

Нас вельмі радуе бязвізавы рэжым, які дзейнічае ў Гродзенскім рэгіёне. Скажу адкрыта, мы нават не чакалі, што гэта будзе карыстацца такой папулярнасцю сярод грамадзян Літвы. Наколькі я ведаю, мы займаем сёння першае месца па колькасці бязвізавых турыстаў у Гродне і гэта вельмі добра. Хацелася б, каб у будучыні такіх адкрытых праектаў паміж нашымі краінамі было больш».

Падзяліцца

Апошнія запісы

У цэнтры Гродна закрылася крама спорттавараў, якая працавала больш за 30 гадоў

Гродзенцы звярнулі ўвагу, што з будынка па вуліцы Ажэшкі, 42 знікла шыльда «Спорттавары». Instagram-акаўнт крамы…

28 красавіка 2025

Фільм на кітайскай раскажа пра Гродна і яго «інвестыцыйную прывабнасць»

Іміджавы фільм аб інвестыцыйнай прывабнасці Гродна задумалі ў гарвыканкаме. На яго выдаткуюць бюджэтныя грошы. Відэа…

28 красавіка 2025

У Гродне з’явіўся амерыканскі дэсерт — печыва з рознымі начыннямі

У Гродне пачалі прадаваць «крамбл кукіс» — амерыканскае печыва з рознымі дадаткамі і салодкімі топінгамі.…

28 красавіка 2025

Назву гурта Dzieciuki і яго сацсеткі прызналі «экстрэмісцкімі». Падобна, што «экстрэмісцкай» стала і першая беларускамоўная газета

Сацсеткі панк-гурта з Гродна Dzieciukі і сам гэты надпіс у Беларусі прызналі "экстрэмісцкімі матэрыяламі". Паводле фармулёўкі…

27 красавіка 2025

Нерухомасць тыдня: у Гродне прадаюць дом з ажурным балконам за 60 метраў ад Нёмана

У Гродне на продаж выставілі дом на 2-м Падольным завулку - па суседстве з рэстаранам…

26 красавіка 2025

Школьнікі з Гродна трапілі пад прафілактыку за «зігаванне» і нацысцкую сімволіку

Міліцыя Грjдзенскай вобласці маніторыла Інтэрнэт і занепакоілася "нацызмам" сярод школьнікаў. Яны "зігуюць", слухаюць музыку Трэцяга…

25 красавіка 2025