У Гродне 14 лютага валанцёры Чырвонага Крыжа арганізуюць ужо традыцыйную квэст-гульню «Захавай каханне», прысвечаную Дню ўсіх закаханых. Удзельнікамі гульні могуць стаць закаханыя пары.
Усім удзельнікам будзе дадзена магчымасць прайсці квэст па розных частках гістарычнага цэнтра горада. На кожнай станцыі будзе прапанавана выканаць пэўнае тэматычнае заданне, звязанае з дзейнасцю Чырвонага Крыжа і Днём святога Валянціна.
«Наша мэта — папулярызаваць адказныя паводзіны сярод моладзі, у прыватнасці, захаванне вернасці адзінаму партнёру, а таксама павысіць сярод жыхароў Гродна і Гродзенскай вобласці веды аб асноўных прынцыпах і дзейнасці Міжнароднага руху Чырвонага Крыжа і Чырвонага Паўмесяца, — распавядае спецыяліст па працы з моладдзю Валерый Краеўскі. — Заданні тычацца ведаў аб Чырвоным Крыжы, прапагандуюць яго прынцыпы і накіраваны на тое, каб прыцягнуць маладых людзей да добраахвотніцкага руху і дабрачыннасці».
Гульня стала ўжо традыцыйнай — праводзіцца трэці год запар. Квэсты меншага маштабу пройдуць таксама ў раённых арганізацыях Чырвонага Крыжа.
Зараз праходзіць рэгістрацыя на гульню. Квэст уключае ў сябе рух па маршруце, на якім размешчаны гульнявыя кропкі. На старце ўсе каманды адначасова атрымліваюць маршрутны ліст. Для кожнай каманды на маршрутным лісце ўказваецца свая пачатковая станцыя. На гульнявой кропцы пару сустракаюць валанцёры, якія арганізуюць і праводзяць інтэрактыўнае мерапрыемства. Пасля паспяховага праходжання задання на гульнявой кропцы, пара атрымлівае загадку, адказам на якую з’яўляецца назва ці месцазнаходжанне наступнай станцыі. Час наведвання пунктаў фіксуецца валанцёрамі. На кожным кантрольным пункце пара павінна быць у поўным складзе. Пасля паспяховага завяршэння праходжання маршруту кожная пара павінна падаць фота- ці відэасправаздачу аб праходжанні квэста. Пераможцам квэст-гульні становіцца пара, якая пройдзе ўсе станцыі максімальна хутка, выканае ўсе заданні.
У акцыях на 9 траўня, прысвечаных святкаванню 80-годдзя перамогі, вырашылі задзейнічаць жывёл. Сабаку па мянушцы…
Супрацоўнікі "Гродназелянбуда" ўжо ўпрыгожваюць аркі на Савецкай кветкамі. У сацсетках з'яўляецца ўсё больш відэа з…
У траўні на даху комплексу «Бровар Гродна» з'явіўся флюгер. Пры рэстаўрацыі гродзенскага піўзавода інвестару было…
Гродзенскі краязнаўца Аляксандр Перагудаў знайшоў у расійскіх фондах шэраг малавядомых здымкаў Гродна часоў Першай сусветнай…
У траўні беларусы сталі актыўна абмяркоўваць знікненне бульбы з паліц у крамах. Звярнулі ўвагу і…
Гарадское і сельскае насельніцтва Беларусі скарачаецца. Згодна з Белстатам, у Гродне і Лідзе сітуацыя выглядае…