Беларусы, якія трапілі пад дэкрэт па спрыянні занятасці насельніцтву, пры гэтым маюць ва уласнасці кватэры, жыроўкі з плацяжамі па поўных тарыфах за гарачую ваду павінны будуць аплаціць ў сакавіку, а не ў лютым. Ёсць яшчэ месяц, каб беларусаў змаглі пацвердзіць сваю занятасць ці цяжкую жыццёвую сітуацыю.
Ужо ў лютым незанятыя ў эканоміцы атрымаюць «новыя» жыроўкі. Праўда, сплачваць гарачую ваду па поўных тарыфах за студзень яны не будуць. Тэрміны фармавання спісаў платнікаў перанеслі яшчэ на месяц, паведамляюць у Міністэрстве працы і сацабароны.
«Ва ўрадзе прынята рашэнне пра дадатковае інфармаванне грамадзянаў аб улучэнні іх у спісы платнікаў жыллёва-камунальных паслуг, што забяспечваюць поўнае пакрыццё эканамічна абгрунтаваных выдаткаў на іх аказанне», — кажуць у Мінпрацы.
Але тыя, хто трапіў ў базу і не зможа за гэты месяц пацвердзіць сваю занятасць ці наяўнасць цяжкай жыццёвай сітуацыі, у сакавіку атрымаюць жыроўкі з плацяжамі за гарачую ваду на поўных тарыфах. Пры гэтым за студзень таксама пералічаць платы па эканамічна абгрунтаваных тарыфах (суму пераразліку ўключаць у жыроўку за люты), паведамляе T*T.by.
Інфармацыю пра трапленне ў базу незанятага насельніцтва, якая будзе сплачваць гарачую ваду на поўных тарыфах, можна даведацца пры аплаце ЖКП праз АРІП. Яшчэ адзін спосаб — з 11 лютага на партале дзяржпаслуг. Для гэтага патрэбен электронны лічбавы подпіс ці ўнікальны ідэнтыфікатар — логін і пароль.
— Рашэнне прынята, каб грамадзяне, якія патрапілі ў спісы, мелі дадатковую магчымасць пацвердзіць сваю занятасць ці цяжкую жыццёвую сітуацыю яшчэ і ў лютым 2019 года, — адзначылі ў міністэрстве.
