У гэтым годзе Гроднааблдарбуд плануе адрамантаваць каля 245 кіламетраў мясцовых аўтамабільных дарог. Выканаюць рамонт жвіровага пакрыцця дарог агульнай працягласцю 27 кіламетраў. На 138 кіламетрах будзе ўладкована або адрамантавана асфальтабетоннае пакрыццё. Выканаюць працы па наладзе ахоўных слаёў па тэхналогіі «павярхоўная апрацоўка» і «Слары Сіл» агульнай працягласцю 80 кіламетраў, піша «Гродзенская праўда».
У гэтым годзе фінансаванне мясцовых аўтадарог вобласці плануецца ў аб’ёме 51 111,2 тысяч рублёў. Прыцягваюцца такія крыніцы фінансавання, як мясцовы бюджэт, субвенцыі з рэспубліканскага дарожнага фонду, а таксама крэдытныя сродкі.
Прыярытэтнымі з’яўляюцца аб’екты, уключаныя ў Дзяржпраграму як мясцовыя аўтадарогі, якія патрабуюць першачарговага рамонту. Будуць прыведзены ў парадак выезды з мясцовых дарог, якія выходзяць на аўтамагістралі рэспубліканскага значэння, па якіх паедуць госці на II Еўрапейскія гульні ў Мінск. Таксама пры фарміраванні пералікаў ў рамках вылучанага фінансавання па магчымасці ўлічваліся звароты, якія паступаюць ад грамадзян і прадпрыемстваў.
Прадпрыемства ў мінулым годзе ў рамках рэалізацыі Дзяржаўнай праграмы па развіцці і ўтрыманні аўтамабільных дарог у Беларусі на 2017−2020 гады правяло капітальныя і бягучыя рамонты 264 кіламетраў мясцовых аўтадарог і 76 пагонных метраў мастоў.
На таргі выставілі ўчастак каля кальцавой развязкі праспекта Касманаўтаў і вуліцы Карскага. Згодна з прызначэннем…
Сэрвіс карт ад Google абнавіў спадарожнікавыя фатаграфіі Гродна. На іх можна ўбачыць найбуйнейшыя будоўлі горада,…
Гродзенка Вікторыя Талкоўская апублікавала TikTok, у якім папрасіла гараджан назваць самыя змрочныя месцы Гродна. За…
Праз дарогу ад гандлёва-забаўляльнага цэнтра Triniti на праспекце Янкі Купалы прадаюць трохпакаёўку ў новым доме.…
Плануецца, што ў кожным раёне з’явіцца па дзве новыя пляцоўкі для выгулу хатніх жывёл. Адпаведны…
Гродзенскі абласны суд прызнаў Ежы Грыгенчу вінаватым паводле чатырох крымінальных артыкулаў. Яму прызначылі шэсць гадоў…