Назіраць за станам схілаў і колькасцю аматараў актыўнага адпачынку на іх можна, не выходзячы з хаты. На адной з самых высокіх кропак “Алімпа” ўстаноўлена веб-камера, выява з якой кругласутачна транслюецца ў інтэрнэт. Гэтая функцыя даступная з мінулага года і па-ранейшаму не губляе сваёй актуальнасці, паведамляе “Гродзенская праўда”.
– Мы не проста гаворым, але і паказваем, што на «Каробчыцкім Алімпе» па-ранейшаму шмат снегу. Каб убачыць гэта ў рэжыме рэальнага часу, дастаткова зазірнуць на сайт ЦСК «Нёман», – нагадваюць у парку актыўнага адпачынку.
Да паслуг аматараў актыўнага зімовага адпачынку па-ранейшаму тры спускі – лыжныя навучальны і аматарскі працягласцю 300 і 360 метраў, а таксама цюбінгавы, даўжыня якога – 270 метраў.
