Сёння, 25 студзеня, каля 9 гадзін раніцы на пешаходным пераходзе на вуліцы Каліноўскага збілі хлопчыка. Ён пераходзіў дарогу паблізу вуліцы Серафімавіча, калі на яго наехаў аўтамабіль, піша autogrodno.by.
– Дзіцё трапіла пад аўтамабіль, які рухаўся з бакі вуліцы Горкага. Машына спынілася праз 3-4 метры пасля пешаходнага пераходу. Кіроўца быў вельмі ўзбуджаны, ён спрабаваў дастаць з багажніка нейкую анучу. Хлопчык гадоў дзесяці ляжаў каля бардзюра, ён рухаў толькі адной нагой – падняў і апусціў ёй пры мне. Вельмі спадзяюся, што малы паправіцца, – сказаў гарадзенец Аляксандр, які апынуўся непадалёк.
В зваротным кірунку на пад’ездзе да пераходу стаяла Audi. Сведка выказаў здагадку, што гэты аўтамабіль прапускаў хлопчыка-пешахода.
– Калі я праязджаў міма, яшчэ не было ні медыкаў, ні супрацоўнікаў ДАІ. Я хацеў спыніцца, але не маючы якой-небудзь медычнай падрыхтоўкі разумеў, што нічым не змагу дапамагчы. У нашых сілах увесь час паўтараць дзецям, што нават на пешаходным пераходзе яны павінны глядзець па баках і быць гатовымі саступіць машыне.
