22 студзеня ў Гродне адбыўся чарговы аўкцыён. На гандаль былі выстаўленыя тры зямельныя ўчасткі для будаўніцтва аднакватэрных жылых дамоў у мікрараёнах «Зарыца-4», «Зарыца-5» і «Паўднёвы», а таксама ўчастак пад будаўніцтва аб’екта рознічнага гандлю размешчаны ў мікрараёне жылой сядзібнай забудовы «Зарыца», перадае myrealtor.by.
Першым сышоў з малатка зямельны ўчастак, размешчаны ў мікрараёне «Паўднёвы» па вуліцы Адэльская, плошчай 11 сотак. Дадзены ўчастак прадаваўся без камунікацый. За дадзены лот змагалася тры ўдзельнікі аўкцыёну, падчас таргоў яго кошт падняўся больш чым у паўтара разы. У канчатковым выніку ён быў прададзены за 26 500 беларускіх рублёў, без уліку выдаткаў на выраб дакументацыі ў памеры 3 191,79 беларускіх рублёў.
Наступным на таргі быў выстаўлены зямельны ўчастак плошчай 0,0987 га, размешчаны ў мікрараёне «Зарыца-5» па вуліцы Алітускага. Таксама, як і ў папярэднім лоце, на ім адсутнічаюць інжынерныя камунікацыі. Дадзены лот зацікавіў толькі аднаго ўдзельніка аўкцыёну і быў прададзены за пачатковы кошт, павялічаны на 5% - 15 900 беларускіх рублёў, без уліку выдаткаў на выраб дакументацыі ў памеры 3 330,69 беларускіх рублёў.
Заключным лотам аўкцыёну па продажы зямельных участкаў для індывідуальнага будаўніцтва ў горадзе Гродна стаў ўчастак плошчай 0,1029 га, размешчаны ў мікрараёне «Зарыца-4» па вуліцы Мілевіча. На ўчастку не праведзеныя інжынерныя камунікацыі. Стартавая цана лота склала 16 000 беларускіх рублёў. Аднак зацікаўленых у куплі дадзенага зямельнага ўчастка не аказалася, і ён ужо ў бліжэйшы час з’явяцца на паўторным аўкцыёне.
Аўкцыён паказаў, што мікрараён «Паўднёвы» прыцягвае больш жыхароў, чым «Зарыца». На ўчастак у «Паўднёвым» прэтэндавала тры чалавекі, а набыць адзін участак з дзвюх у «Зарыца» выявіў жаданне толькі адзін удзельнік аўкцыёну.
Акрамя таго, не знайшлося пакупніка для зямельнага ўчастка пад будаўніцтва аб’екта рознічнага гандлю ў мікрараёне «Зарыца» па вуліцы Гожскай, плошчай 0,2202 га. Стартавая цана лота складала 43 100 беларускіх рублёў.
Цана продажу зямельных участкаў для будаўніцтва прыватнага дома ў Гродне на праведзеным аўкцыёне вар'іравалася ў межах 7 400 — 11 900 даляраў ЗША.
Гродзенская IT-кампанія "Цэнтр Прагрэсіўных Распрацовак" падала заяву аб банкруцтве. Доўг фірмы - амаль 302 тыс.…
На пляцоўцы «Куфар» з'явіліся аб'явы аб продажы гатовых ботаў, якія дапамагаюць адшукаць і заняць вольныя…
Італьянскі рэстаран "Сант Микеле" з піцамі і элементамі малекулярнай кухні выставілі на продаж. Пра прычыны…
У найбліжэйшыя месяцы ў Поразаве плануюць адкрыць Дом банкухі. Тут можна будзе паўдзельнічаць у майстар-класе…
Міліцыя Гродна адпраўляе адбыўшых пакаранне на працы ў Гродзенскую агароднінную фабрыку. Зараз на ўліку ў…
На Дзевятоўцы прадаюць трохпакаёвую кватэру на апошнім паверсе 16-павярховага дома. Акрамя шыкоўнага выгляду на палі…