“Крывы дом” на Траецкай пачалі разбіраць. Будаўнікі знайшлі нешта накшталт схрона вязняў гета

Будаўнічая тэхніка з’явілася каля “крывога дома” на Вялікай Траецкай у сераду 23 студзеня. Hrodna.life ўжо пісаў, што ўласнік пакіне ад будынка ў лепшым выпадку толькі фасад, бо будынак аварыйны. Лёс фасада будзе канчаткова вырашаны 24 студзеня.

Дом на Вялікай Траецкай, вядомы як “крывы”, некалькі гадоў пуставаў і быў на грані зносу. У 2017 годзе уласнік – чайны дом «ЧайКоффский» – вырашыў перабудаваць будынак пад гасцініцу з броварам і офісамі. У канцы 2018 года на аб’екце пачаліся падрыхтоўчыя працы.

"Крывы дом" на Траецкай пачалі разбіраць. Будаўнікі знайшлі нешта накшталт схрона вязняў гета
“Згодна з праектам будынак не цалкам будзе разбірацца – застаецца фасадная сцяна. Але трэба разумець, што дом аварыйны і не выключана, што яго давядзецца разабраць цалкам. У любым выпадку, гістарычны выгляд будынка захаваецца”, – распавядаў раней Hrodna.life заснавальнік чайнага дома «ЧайКоффский» Дзмітрый Рыхліцкі.

Незвычайная знаходка – тайнік вязняў гета?

Падчас разборкі будынка будаўнікі выявілі ў сцяне схаваную прастору на некалькі чалавек, якая была закладзена цаглінамі. Не выключана, што ў гэтым месцы маглі хавацца вязні гродзенскага гета. Пра гэта сведчыць дзённік, які быў знойдзены на руінах гета пасля вайны. Іншых знаходак у доме пакуль не было.

"Крывы дом" на Траецкай пачалі разбіраць. Будаўнікі знайшлі нешта накшталт схрона вязняў гета

Гродзенскі гісторык Андрэй Чарнякевіч пісаў, што апошнія ацалелыя жыхары раёна хаваліся на гарышчах. «Тут зроблена невялікі фальшывы дах з маленькім уваходам трохкутнай формы з аднаго боку, з другога – канец піраміды, даўжыня 4-5 метраў, тут жывуць 4 дарослых і 2 дзяцей», – пісаў аб адным з такіх сховішчаў невядомы аўтар дзённіка, знойдзенага на руінах гета пасля вайны. Сёння гэты дом – фактычна апошні напамін пра некалькі пакаленнях гродзенцаў.

Даведка

Дом па вуліцы Вялікай Траецкай (некалі ён адносіўся да вуліцы Крывой) быў пабудаваны ў пачатку XX стагоддзя. Пабудова здолела захаваць свой цікавы першапачатковы выгляд. Галоўным упрыгожваннем «крывога» будынка было спалучэнне характэрнай гродзенскай цэглы з жоўтай гліны з чырвонымі ўстаўкамі над вокнамі і ўваходам.

"Крывы дом" на Траецкай пачалі разбіраць. Будаўнікі знайшлі нешта накшталт схрона вязняў гета
"Крывы дом" на Траецкай пачалі разбіраць. Будаўнікі знайшлі нешта накшталт схрона вязняў гета
"Крывы дом" на Траецкай пачалі разбіраць. Будаўнікі знайшлі нешта накшталт схрона вязняў гета
"Крывы дом" на Траецкай пачалі разбіраць. Будаўнікі знайшлі нешта накшталт схрона вязняў гета
"Крывы дом" на Траецкай пачалі разбіраць. Будаўнікі знайшлі нешта накшталт схрона вязняў гета

"Крывы дом" на Траецкай пачалі разбіраць. Будаўнікі знайшлі нешта накшталт схрона вязняў гета
Перадрук матэрыялаў Hrodna.life магчымы толькі з пісьмовага дазволу рэдакцыі. Звяртайцеся info@hrodna.life

Каментары

Spelling error report

The following text will be sent to our editors: