Прадстаўнікі Гродзенскай вобласці завяршылі ў суботу чарговы тур чэмпіянату краіны на хакеі з процілеглымі вынікамі.
«Нёман», паказаўшы добрую гульню, так не змог адолець «Дынама» з Маладзечна, піша «Гродзенская праўда». Гродзенцы стварылі нямала момантаў, шмат кідалі, аднак, закінуць змаглі толькі раз: вылучыўся Кіслы. Гаспадары ж закінулі двойчы. Як вынік 2:1 — першая ў 2019 годзе параза «Нёмана». Гродзенцы ідуць на другім месцы ў турнірнай табліцы, аднак, адставанне ад сталічнага «Юнацтва» павялічылася да 18 ачкоў.
Наступны матч «Нёман» правядзе дома 22 студзеня. Каманда пэўна паспрабуе рэабілітавацца перад заўзятарамі. Аднак, наўрад гэта будзе лёгкая гульня, у Гродне будзе гасцяваць «Ліда».
Гульня з моладзевай зборнай была не самай багатай на галы, але галоўнае ў ёй вынік. «Ліда» перамагла з рахункам 2:1 і замацавалася на 6-м радку ў турнірнай табліцы.
