Польскія аптэкі распачалі продаж марыхуаны. Па рэцэптах

Закон пра легалізаванне продажу марыхуаны для ўжытку ў медычных мэтах набыў моц у Польшчы ў 2017 годзе. Нарматыўны акт дазваляе вырабляць прэпараты з канопляў у аптэках на падставе рэцэпта лекара з матэрыялу, што дастаўляецца з-за мяжы.

У чацвер адзіная кампанія, што атрымала ліцэнзію на пастаўкі ў рэспубліку марыхуаны ад Польскай фармацэўтычнай палаты, канадская Spectrum Cannabis, інфармавала пра тое, што першая партыя прадукту — каля 7 кг — паступіла на аптэчныя склады краіны. З 17 студзеня грамадзяне Польшчы могуць па рэцэпце заказаць патрэбны для лячэння прэпарат, піша ТАСС.

Адзін грам сухога прадукту каштуе ў польскіх аптэках каля 65 злотых ($ 17). Як інфармуе Gazeta Wyborcza на нелегальным рынку гэта набыццё абышлося б у 50 злотых ($ 13), але без якой-небудзь гарантыі якасці ці інфармацыі пра месца паходжання канопляў. Лекавая марыхуана гадуецца ў лабараторных умовах.

Паводле папярэдніх ацэнак, у Польшчы ва ўжытку марыхуаны ў медычных мэтах маюць патрэбу каля 300 тысяч пацыентаў. Дакладных дадзеных пра тое, колькі такога прэпарата ім трэба, няма. Як паказвае досвед Ізраіля, дзе такое лячэнне пашыранае і даступнае, хворыя ў сярэднім карыстаюць каля 15 г на месяц. Такім чынам, завезеных у Польшчу 7 кг хопіць на месяц лекавання 500 пацыентаў.

Лекавае ўжыванне марыхуаны дазволена ў Бельгіі, Германіі, Іспаніі, Ізраілі, Фінляндыі і Партугаліі, некаторых штатах ЗША і Аўстраліі. Гэты сродак выкарыстоўваецца пры эпілепсіі, анарэксіі, бранхіяльнай астме, мігрэні, артрыце, захворваннях хрыбетніка, псіхічных і неўралагічных расстройствах, анкалогіі.

Падзяліцца

Апошнія запісы

«Інтэр'еры з Pinterest» і «цэны як у Венецыі». У Гродне адкрылі буцік-гатэль The Cult на месцы знесенага гістарычнага будынка

У Гродне на Віленскай, 37 адкрыўся новы буцік-гатэль і рэстаран The Cult - і выклікаў…

2 красавіка 2025

Гронкі кветак, люстэркі і ружовае футра. У Гродне з’явіліся вясновыя фотазоны

Пакуль сады толькі заквітнеюць, ва ўстановах і крамах Гродна падрыхтавалі вясновыя фотазоны. Часта гэта гронкі…

2 красавіка 2025

Старадаўнія падвалы ў цэнтры Гродна прыцягваюць бізнес. Калі памяшканні можна выкарыстоўваць у камерцыйных мэтах?

На Савецкай вуліцы каля 80% падвалаў задзейнічаны пад бізнес, прыводзіць статыстыку газета “Гродзенская праўда”. Пры…

1 красавіка 2025

У Гродне адкрыецца школа барыста — арганізатары хочуць, каб ва ўстановах варылі якасную каву

Уладальнікі гродзенскіх кавярань «Крепкий белый» і «Крепкий черный» запускаюць школу барыста. Летась арганізатары ўжо праводзілі…

1 красавіка 2025

Гродзенец стварыў дакладную копію Фарнага касцёла ў мініяцюры — і друкуе фігуркі на 3D-прынтары

Гродзенец Ігар Апякун канструюе мэблю для круізных лайнераў - стварае прататыпы праз спецыяльную праграму. Ігар…

31 сакавіка 2025

Блогер-гісторык Яўген Аснарэўскі выдаў турыстычны даведнік па Гродне з аўтарскімі маршрутамі

Кніга «Удивительный Гродно» Яўгена Аснарэўскага выйшла ў мінскім выдавецтве «Рыфтур». Даведнік разлічаны і на турыстаў,…

31 сакавіка 2025