Работнікі Гродзенскага гарадскога аддзела па НС наведалі 138 аб’ектаў школьнага і дашкольнай адукацыі. Парушэнні нормаў і правілаў супрацьпажарнай бяспекі знойдзеныя ў 28 установах, піша «Вячэрні Гродна».
Самыя часта сустракаемыя парушэнні:
— замкі на дзвярах, размешчаных на шляхах эвакуацыі (дзверы, якія раздзяляюць калідоры, вестыбюлі, холы, выхады на лесвічныя клеткі), не ў поўнай меры абсталяваны прыладамі, якія забяспечваюць іх свабоднае адчыненне знутры без выкарыстання ключоў;
— планы эвакуацыі людзей пры пажары не адпавядаюць форме, зацверджанай Міністэрствам па надзвычайных сітуацыях;
У адной з гродзенскіх гімназій ўсталяваныя турнікеты, якія перашкаджаюць бяспечнай эвакуацыі людзей з захаваннем мінімальнага часу. Дзе-нідзе акумулятарныя батарэі ў прыборах сістэмы пажарнай сігналізацыі знаходзяцца ў няспраўным стане, а ў некаторых выпадках адключаны ці знаходзяцца ў няспраўным стане шлейфы сістэм пажарнай сігналізацыі.
Кіраўнікам устаноў адукацыі, дзе былі выяўлены парушэнні норм і правілаў пажарнай бяспекі, накіраваныя рэкамендацыі, дзе вызначаны тэрміны ліквідацыі заўваг. Работнікі інспекцыі нагляду і прафілактыкі Гродзенскага гарадскога аддзела па НС, пасля заканчэння названых тэрмінаў, зноў наведаюць установы адукацыі, каб пераканацца ў ліквідацыі парушэнняў, — распавялі ў Гродзенскім абласным упраўленні МНС.
Спіс школ і садкоў, дзе былі выяўлены парушэнні, можна знайсці на сайте МНС.
Святкаванне Дня Перамогі ў Гродне пачалі з акцыі "Беларусь памятае" - шэсця з партрэтамі ўдзельнікаў…
Частку ўнутранай паркоўкі гандлёвага цэнтра OldCity аддалі пад арэнду дрыфт-трайкаў. Пакатацца за плату зможа любы ахвочы,…
У пачатку вялікіх выхадных у Беларусі чэргі на мяжы зноў выраслі - на гэты раз…
У Гродне закрываецца "VIP bar" на Дзяржынскага, 8А - не прапрацаваўшы і двух месяцаў. Ён…
Фірму-уладальніка крамы "АвтоЗапчасти" ў Гродне, ТАА "Рукша", зноў хочуць збанкруціць. Банкруцтва хочуць прызнаць праз эканамічны…
Два новенькія электрычныя пікапы Tesla Cybertruck 2023 года выпуску затрымалі літоўскія мытнікі 7 траўня ў…