Калі тэмпы аўтамабілізацыі Гродна захаваюцца, то у 2030 годзе ў 1 000 жыхароў будзе 450 аўтамабіляў (цяпер 350). Сучасная сетка дарог такую нагрузку не вытрымае, бо гэта прырост трафіку больш чым на 20%. Таму Гродна патрэбныя новыя дарогі і яны ўжо ёсць на паперы.
Ёсць нават разлік, наколькі інтэнсіўна імі будуць карыстацца ў рэальнасці. AutoGrodno.by публікуе картаграму на 2030 год, прадстаўленую спецыялістамі «БелНІІПгорадабудаўніцтва», якія з’яўляюцца распрацоўшчыкамі новага генплана горада.
Параўнаць з картай загрузкі дарог 2018 года
Спецыялісты лічаць, што праз 10 гадоў у Гродна павінна быць 5 аўтамабільных мастоў (адзін рэканструююць, другі пабудуюць), а таксама новыя вуліцы. Напрыклад, вуліцу Каліноўскага неабходна выпрастаць і праз падоўжаную вуліцу Астроўскага злучыць з вуліцай Будзёнага. Вуліцу Пучкова падоўжыць да мікрараёна Альшанка, а да новага мікрараёну «Грандзічы» спатрэбіцца развітая сетка дарог, амаль такая, як цяпер у мікрараёне «Альшанка».
Распрацоўнікі мяркуюць, што калі асноўныя ідэі транспартнай схемы Гродна будуць рэалізаваны да 2030 года, то нагрузка на Стары і Румлёўскі масты захаваецца, але вырасце на Паповічскім мосце (да гэтага часу ён павінен стаць шасціпалосны), а дадатковая частка транспарту перамесціцца на рэканструюемы мост і на зусім новы ў раёне вёскі Беражаны.
Картаграма пасажырапатокаў грамадскага транспарту ў гадзіну-пік таксама прыкладаецца:
У Гродне на Віленскай, 37 адкрыўся новы буцік-гатэль і рэстаран The Cult - і выклікаў…
Пакуль сады толькі заквітнеюць, ва ўстановах і крамах Гродна падрыхтавалі вясновыя фотазоны. Часта гэта гронкі…
На Савецкай вуліцы каля 80% падвалаў задзейнічаны пад бізнес, прыводзіць статыстыку газета “Гродзенская праўда”. Пры…
Уладальнікі гродзенскіх кавярань «Крепкий белый» і «Крепкий черный» запускаюць школу барыста. Летась арганізатары ўжо праводзілі…
Гродзенец Ігар Апякун канструюе мэблю для круізных лайнераў - стварае прататыпы праз спецыяльную праграму. Ігар…
Кніга «Удивительный Гродно» Яўгена Аснарэўскага выйшла ў мінскім выдавецтве «Рыфтур». Даведнік разлічаны і на турыстаў,…