Фатаграфіі з поні, што бегалі па цэнтры Гродна, бачылі ў сацыяльных сетках многія, але чые жывёлы — ніхто не мог сказаць. Да вечара поні з’явіліся ўжо на прывязі на плошчы Леніна разам з гаспадарамі. Тыя распавялі, як так атрымалася, што жывёлы паспелі самастойна пабегаць па вуліцах Гродна і здзівіць гараджан.
Аказваецца, поні Гоша і Ліна прыехалі ў Гродна з Віцебска і ўжо трэці тыдзень катаюць на плошчы Леніна гараджан. Жывуць жывёлы ў хляве недалёка ад цэнтра горада. Увечары ў аўторак 8 студзеня поні нечакана выбілі ў хляве дзверы і пайшлі шпацыраваць па горадзе.
«Прыйшлі да адрыны, а дзверы адчыненыя, — распавядае працаўнік пракату поні. — Спалохаліся і пайшлі па слядах шукаць жывёл. Колькі мы сюды ездзім — упершыню такі выпадак. Беглі за імі і ў людзей пыталі. Злавілі толькі на Ажэшкі, ля моста. Прымусілі яны нас пабегаць.
Вядома, хваляваліся, бо яны маглі і машыны пабіць і людзей спалохаць. Але ўсё абышлося. А так поні нашыя прыязныя».
Работнікі пракату распавялі, што жывёл не каралі. Завялі да адрыны, напаілі, накармілі і адправіліся працаваць.
Завадчане працягваюць прыцягвацца па артыкуле 19.11 КаАП. Гэта нягледзячы на неаднаразовыя заклікі перагледзець свае сацыяльныя…
23 снежня ў Рэспубліканскі спіс экстрэмісцкіх матэрыялаў унеслі акаўнты ў Facebook і візуальны матэрыял гродзенцаў…
Сайт і сацсеткі сайта Grodno.in прызналі экстрэмісцкімі. Так вырашыў суд Ленінскага раёна Гродна 20 снежня.…
Новыя суддзі з'явіліся ў Гродне і вобласці па ўказе Лукашэнкі. Жыхара Навагрудка судзяць за атрыманне…
На пляцоўцы «Куфар» з'явілася аб'ява аб продажы гродзенскай кавярні «Чашки&ложки». Установа ўжо чатыры гады працуе…
Аб'явы аб здачы памяшканняў у арэнду з'явіліся ў Instagram-акаўнце royal.grodno і на “Куфары”. У аб'явах…